Кампанія Clad Labs пры падтрымцы Y Combinator запусціла рэдактар кода Chad: The Brainrot IDE на базе ШІ. Ён настолькі дзіўны, што людзі не паверылі ў яго рэальнасць — але менавіта так і ёсць, піша TechCrunch.
Chad IDE (@cladlabs) is the brainrot code editor.
— Y Combinator (@ycombinator) November 11, 2025
AI coding takes 1–5 min between prompts—too long to ignore, too short to start something new.
Chad integrates your brainrot (X, IG, Stake, Tinder, etc) into your agentic coding workflow and helps to manage your… pic.twitter.com/CuQ6STMxYo
Чакаючы, пакуль інструмент скончыць пісаць код, карыстальнік можа проста ўнутры яго займацца рознай лухтой: гуляць у казіно, у міні-гульні, свайпаць і глядзець ціктокі. «Гэта не жарт: Chad IDE вырашае самую вялікую праблему прадуктыўнасці ў ШІ-распрацоўцы, пра якую ніхто не гаворыць», — сказана на яго сайце. Словам «брэйнрот» азначаецца нізкаякасны або бескарысны інтэрнэт-кантэнт.
Аўтары эпатажнага праекта сцвярджаюць, што Chad дапамагае павысіць прадуктыўнасць карыстальнікаў — маўляў, мозг адпачывае за кошт пераключэння кантэксту. Па задуме, як толькі ШІ завяршае задачу, юзер адразу ж вяртаецца да працы, а не працягвае сядзець у тэлефоне або браўзеры.
Рэакцыя ў сацсетках змяшаная. Нехта падумаў, што гэта пародыя на дзейнасць распрацоўшчыкаў, нехта — што выдатная або наадварот жахлівая ідэя. У Clad Labs тым часам сцвярджаюць, што іх прадуктам карыстаюцца інжынеры Meta, Amazon, Стэнфарда і іншых рэспектабельных арганізацый.
Фаўндар Chad Рычард Ванг адзначыў, што хейтары проста не разумеюць сутнасці праекта. Яго стваральнікі сапраўды спадзяюцца, што іх вайбкодар спадабаецца распрацоўшчыкам. Аднак шырокай публіцы інструмент пакуль не даступны — зараз ён на стадыі закрытага бэта-тэставання, у якое можна трапіць па запрашэнні ад тых, хто ўжо ў ім удзельнічае. Пакуль стваральнікі хочуць выгадаваць вакол яго супольнасць прыхільнікаў, але разлічваюць хутка выкаціць для ўсіх.
Релоцировались? Теперь вы можете комментировать без верификации аккаунта.