Праваабаронцы паведамляюць пра знікненне адміністратараў «беларускай Вікіпедыі»
Паводле інфармацыі праваабарончых арганізацый, у сакавіку перарвалася сувязь з карыстальнікам Kazimier Lachnovič, адміністратарам «Беларускай Вікіпедыі» — беларускамоўнага раздзела электроннай энцыклапедыі. Яго апошняе рэдагаванне датуецца пачаткам сакавіка, пасля чаго ён перастаў выходзіць на сувязь у сацсетках.
Таксама стала вядома пра знікненне адміністратаркі і шматдзетнай маці Вольгі Сітнік. Яе знаёмыя звярнулі ўвагу на ненатуральную актыўнасць яе ўліковага запісу.
Праваабаронцы просяць паведамляць любую інфармацыю пра зніклых.
Першыя артыкулы на мове ў «Вікіпедыі» былі апублікаваныя ў 2004 годзе. У 2007 годзе адбыўся падзел беларускага сегмента па правапісе на «класічны» і «афіцыйны» — «Вікіпэдыю» і «Вікіпедыю». На класічным варыянце напісана больш за 88 тысяч артыкулаў, версія «наркамаўкі» ў студзені дасягнула 250 тысяч артыкулаў.
Пасля 2020 года беларускіх вікіпедыстаў ужо выклікалі на допыты і арыштоўвалі на «суткі».
Читать на dev.by