OpenAI апублікавала фрагменты перапіскі сваіх сузаснавальнікаў Ілана Маска і Сэма Альтмана. У імэйлах Маск настойвае на тым, каб кампанія будавалася на камерцыйным падмурку. Так у OpenAI адказалі на ўжо другі за гэты год пазоў мільярдэра, які хоча прыцягнуць яе да адказнасці за імкненне працаваць на прыбытак, піша Business Insider.
OpenAI апублікавала фрагменты перапіскі сваіх сузаснавальнікаў Ілана Маска і Сэма Альтмана. У імэйлах Маск настойвае на тым, каб кампанія будавалася на камерцыйным падмурку. Так у OpenAI адказалі на ўжо другі за гэты год пазоў мільярдэра, які хоча прыцягнуць яе да адказнасці за імкненне працаваць на прыбытак, піша Business Insider.
Спыніць камерцыйны пераход OpenAI Маск заклікаў суд у мінулым месяцы. У OpenAI лічаць, што такім чынам ён спрабуе ўставіць ёй палкі ў колы і расчысціць шлях для іншага свайго стартапа xAI, які быў запушчаны на сакавіку 2023 года і з’яўляецца яе прамым канкурэнтам.
У блогпасце падкрэсліваецца, што першапачаткова Маск не проста хацеў, каб у OpenAI была камерцыйная структура, але і распрацаваў яе для кампаніі ў 2017 годзе.
У адным з імэйлаў, датаваных 2015 годам, Маск пісаў Альтману, што лічыць некамерцыйную структуру, якую на той момант меў стартап, «неаптымальнай». Тады бакі дамовіліся, што пераход на камерцыйныя рэйкі стане наступным крокам для кампаніі да восені 2017-га. Пазней Маск беспаспяхова спрабаваў атрымаць большасць акцый OpenAI — пасля гэтага, сцвярджае кампанія, Маск кінуў яе і сказаў, што яе чакае правал. У 2018-м Маск сышоў з рады дырэктараў, але, паводле слоў юрыстаў, працягнуў удзельнічаць у справах кампаніі да 2020 года.
У OpenAI лічаць, што цяпер, калі яна стала вядучай АІ-арганізацыяй, а ў Маска — свая кампанія-канкурэнт, ён спрабуе праз суд перашкодзіць ёй рэалізоўваць сваю місію.
Яшчэ адную партыю імэйлаў OpenAI апублікавала ў сакавіку пасля таго, як Маск першы раз падаў у суд на яе і Альтмана. Тады OpenAI сярод іншага абвінаваціла Маска ў тым, што ён хацеў зрабіць з яе прыбытковую праграму для Tesla. Пазней Маск адклікаў пазоў.
Рэлацыраваліся? Цяпер вы можаце каментаваць без верыфікацыі акаўнта.