Старшыня OpenAI: вайб-кодынг застанецца назаўжды, але будучыня не за ім
Старшыня рады дырэктараў OpenAI Брэт Тэйлар лічыць, што вайб-кодынг нікуды не падзенецца, але гэта — толькі частка больш маштабных змен.
Старшыня рады дырэктараў OpenAI Брэт Тэйлар лічыць, што вайб-кодынг нікуды не падзенецца, але гэта — толькі частка больш маштабных змен.
У падкасце Big Technology ён сказаў, што такі спосаб распрацоўкі хутка перастане быць чымсьці новым і здзіўляльным. Пры гэтым, па яго словах, не правільна рабіць фокус на хуткасці, якую дае вайб-кодынг.
«Усе глядзяць на існуючы софт і думаюць: як хутка гэта можна было б навайбкодзіць? Думаю, гэта не тое пытанне, якое варта задаваць», — сказаў Тэйлар.
На яго думку, важней тое, што звыклае нам праграмнае забеспячэнне ў цяперашнім выглядзе будзе паступова сыходзіць. Замест дашбордаў, вэб-формаў і класічных аплікацый структура софта зменіцца, і будучыня — за ШІ-агентамі.
«Мы будзем дэлегаваць задачы агентам, якія працуюць з базамі дадзеных», — патлумачыў ён. І галоўнае пытанне тут — хто будзе ствараць гэтых агентаў: ці будуць кампаніі купляць гатовыя рашэнні або распрацоўваць іх самі.
Тэйлар адзначыў, што ШІ сапраўды моцна знізіў кошт распрацоўкі. Але не вырашыў больш складаных задач — падтрымкі софта і кіравання рызыкамі памылак. Менавіта таму, па яго словах, многія аддадуць перавагу гатовым прадуктам: так можна размеркаваць выдаткі на падтрымку паміж тысячамі кліентаў, а не несці іх у адзіночку.
«ШІ піша 80% коду за мяне»: аўтар «вайб-кодынгу» за 3 месяцы змяніў погляд на ШІ-агентаў
«ШІ піша 80% коду за мяне»: аўтар «вайб-кодынгу» за 3 месяцы змяніў погляд на ШІ-агентаў
«Ён нібыта працуе»: 20 ШІ-агентаў стварылі браўзер з нуля за тыдзень
«Ён нібыта працуе»: 20 ШІ-агентаў стварылі браўзер з нуля за тыдзень
Рэлацыраваліся? Цяпер вы можаце каментаваць без верыфікацыі акаўнта.