Блогер Рос Скот запусціў кампанію «Спыніце забойства гульняў» (Stop Killing Games) у мінулым годзе. Мэта руху — абараніць лічбавыя гульні ад знішчэння пасля адключэння сервераў і спынення падтрымкі выдаўцамі.
Блогер Рос Скот запусціў кампанію «Спыніце забойства гульняў» (Stop Killing Games) у мінулым годзе. Мэта руху — абараніць лічбавыя гульні ад знішчэння пасля адключэння сервераў і спынення падтрымкі выдаўцамі.
Нагодай для запуску кампаніі стала адключэнне сервераў гоначнай гульні The Crew ад Ubisoft, пасля чаго гульня стала цалкам недаступнай — нават для ўладальнікаў, якія яе набылі. Паводле словаў Ската, такія дзеянні парушаюць правы спажыўцоў і падрываюць давер да лічбавай дыстрыбуцыі.
Сабраўшы неабходны парог подпісаў, арганізатары кампаніі цяпер могуць звярнуцца ў Еўрапейскую камісію, каб ініцыяваць абмеркаванне заканадаўчых змен. Аўтары ініцыятывы заклікаюць абавязаць выдаўцоў забяспечваць захаванасць гульняў пасля заканчэння афіцыйнай падтрымкі.
Паводле словаў блогера, захаванне гульняў можна дасягнуць напрыклад, праз увядзенне афлайн-рэжымаў ці перадачу сервернага кода супольнасці. Скот падкрэслівае: рух не патрабуе ад кампаній вечнай падтрымкі — гаворка ідзе пра захаванне доступу да ўжо купленых прадуктаў.
Рост папулярнасці Stop Killing Games паскорыўся пасля публічнага канфлікту паміж Росам Скотам і стрымерам PirateSoftware, які раскрытыкаваў кампанію, назваўшы яе «расплывістай» і «небяспечнай» для інды-распрацоўшчыкаў.
У адказ Скот выпусціў відэа, патлумачыўшы, што патрабаванні ініцыятывы былі скажоныя, і заклікаў да канструктыўнага абмеркавання. Канфлікт прыцягнуў увагу буйных блогераў, уключаючы PewDiePie, Cr1TiKaL, Asmongold і Jacksepticeye, якія падтрымалі Stop Killing Games.
Згодна з патрабаваннямі ЕС, частка галасоў можа быць прызнана несапраўднай, таму Скот заклікаў працягваць удзел і паставіў новую мэту — 1,4 мільёна подпісаў да 31 ліпеня. Прыняць удзел у кампаніі могуць толькі грамадзяне краін Еўрасаюза, падпісаўшыся на афіцыйным сайце ініцыятывы.
Арганізатары лічаць, што калі хоць бы ў адной юрысдыкцыі атрымаецца прыняць закон, які абавязвае выдаўцоў захоўваць доступ да гульняў пасля заканчэння падтрымкі, гэта стане прэцэдэнтам для глабальных змен у індустрыі.
Аналагічная петыцыя, пададзеная ў парламент Вялікабрытаніі, ужо перавысіла парог у 100 тысяч галасоў — да 4 ліпеня колькасць подпісаў склала больш за 147 тысяч. Хоць дата абмеркавання яшчэ не прызначана, па законе такую ініцыятыву абавязаны разгледзець.
Рэлацыраваліся? Цяпер вы можаце каментаваць без верыфікацыі акаўнта.
верните денди и супер марио!
больше всех rom сайтов с играми убило Nintendo