Алеся Чапкевич world 16 лютага 2026, 16:30

Прэзідэнт Anthropic кажа, што ШІ павялічыць вартасць гуманітарных дыпломаў

Сузаснавальніца і прэзідэнт Anthropic Даніэла Амадэй ні разу не пашкадавала пра свой дыплом па літаратуры і лічыць, што з развіццём ШІ гуманітарныя спецыяльнасці стануць толькі важнейшымі. Калі раней кар’ерная парада гучала як «вучыся праграмаваць», то цяпер, па яе словах, самы час казаць: «вучыся чытаць».

1 каментарый

Прэзідэнт Anthropic кажа, што ШІ павялічыць вартасць гуманітарных дыпломаў

Сузаснавальніца і прэзідэнт Anthropic Даніэла Амадэй ні разу не пашкадавала пра свой дыплом па літаратуры і лічыць, што з развіццём ШІ гуманітарныя спецыяльнасці стануць толькі важнейшымі. Калі раней кар’ерная парада гучала як «вучыся праграмаваць», то цяпер, па яе словах, самы час казаць: «вучыся чытаць».

Амадэй упэўнена, што па меры таго як ШІ бярэ на сябе ўсё больш задач, на першы план будуць выходзіць менавіта чалавечыя якасці. «У свеце, дзе ШІ вельмі разумны і здольны на многае, тое, што робіць нас людзьмі, стане значна важнейшым», — сказала яна ў эфіры ABC News. Гаворка ідзе пра здольнасць разумець сябе, сваю гісторыю і тое, як мы ўладкаваны.

Амадэй падкрэслівае, што вялікія моўныя мадэлі ўжо добра спраўляюцца з задачамі з STEM-абласцей, таму каштоўнасць навыкаў гуманітарнага профілю толькі расце. «Уменне мысліць крытычна ў будучыні стане больш, а не менш важным», — кажа Амадэй.

Гэты пункт гледжання паступова набірае папулярнасць і ўнутры індустрыі. Напрыклад, Стывен Джонсан з Google Labs назваў тое, што адбываецца «рэваншам гуманітарных навук»: па яго меркаванні, развіццё моўных мадэляў павышае каштоўнасць навыкаў, звязаных з інтэрпрэтацыяй, кантэкстам і сэнсам.

Пры гэтым у індустрыі няма адзінага меркавання пра тое, якія навыкі будуць ключавымі. Кіраўнік рады дырэктараў OpenAI Брэт Тэйлар лічыць адукацыю ў галіне камп’ютарных навук «надзвычай каштоўнай», тады як кіраўнік Android у Google Самір Самат кажа, што гэтаму напрамку патрэбны «рэбрэндынг».

Сама Амадэй кажа, што пры найме Anthropic звяртае ўвагу не толькі на тэхнічныя навыкі. Важныя ўменне кантактаваць, працаваць з людзьмі, эмпатыя і жаданне дапамагаць іншым. «У рэшце рэшт людзям па-ранейшаму падабаецца ўзаемадзейнічаць з людзьмі», — адзначае яна.