Праграмы «Тинькофф» і некалькіх іншых расійскіх банкаў зніклі з App Store

З крамы праграм зніклі «Тинькофф», «Тинькофф Інвестыцыі» ды іншыя сэрвісы. Банк рэкамендаваў не спампоўваць праграм з неафіцыйных крыніц. Ужо запампаванымі праграмамі можна карыстацца, паслугамі можна таксама карыстацца на сайце банка.

Раней у лютым «Тинькофф», «Альфа-банк», «Расбанк» патрапілі пад санкцыі ЕС. Іх актывы замарозілі. У App Store сталі недаступныя для запампоўкі праграмы банкаў «Уралсіб»», «Зеніт», «Левабярэжны», «Прымор’е» і «МТС-банка». Яны і некаторыя іншыя трапілі пад блакавальныя санкцыі ЗША.