ШІ вельмі карысны для супрацоўнікаў — робіць іх хутчэйшымі, эфектыўнейшымі, прадуктыўнейшымі. Але разам з тым тэхналогія можа зніжаць упэўненасць людзей у сваіх ведах і навыках. Так лічыць генеральны дырэктар арганізацыі International Data Center Authority, якая займаецца сертыфікацыяй у сферы ШІ і дата-цэнтраў.
ШІ вельмі карысны для супрацоўнікаў — робіць іх хутчэйшымі, эфектыўнейшымі, прадуктыўнейшымі. Але разам з тым тэхналогія можа зніжаць упэўненасць людзей у сваіх ведах і навыках. Так лічыць генеральны дырэктар арганізацыі International Data Center Authority, якая займаецца сертыфікацыяй у сферы ШІ і дата-цэнтраў.
Залішняе выкарыстанне ШІ — прамая дарога да «ціхай кагнітыўнай эрозіі» і страты навыкаў.
«Раней было такое паняцце, як „думаць нешаблонна“. Дык вось яно хутка знікне, калі крыніцай натхнення, аналітыкі і інавацый для ўсіх стане адзін шаблон пад назвай ШІ», — адзначае Мехдзі Парыяві.
На яго думку, першая ахвяра ШІ — вера ў сябе: «Калі вы лічыце, што ШІ піша лепш за вас і думае разумней, то страціце ўпэўненасць у сабе».
Працэс можа адбывацца хутка і незаўважна — навыкі, якія напрацоўваліся гадамі чытання, пісьма, назіранняў і вучобы могуць растрапацца, калі аддаваць усё больш мысленчай і аналітычнай працы ШІ. «Раптам можа аказацца, што без пэўнага інструмента вы спраўляецеся ўжо не вельмі добра, і з дня ў дзень усё менш разлічваеце на сябе», — кажа Парыяві.
Страта навыкаў з-за выкарыстання ШІ — нават калі чалавек адчувае сябе разумнейшым і прадуктыўнейшым — ужо пацвярджаецца даследаваннямі. У арганізацыі Work AI Institute адзначаюць, што ШІ можа ствараць ілюзію экспертызы, што асабліва небяспечна для маладых спецыялістаў.
Праблема ў тым, падкрэслівае Парыяві, што хуткасць не тое ж самае, што прадукцыйнасць, як і хутчэй не значыць лепш. ШІ можа гучаць як прафесіянал, але яму можа не хапаць глыбіні, якая прыходзіць з гадамі досведу. Аднак эксперт не заклікае цалкам адмаўляцца ад ШІ — проста не трэба злоўжываць.
Чалавек павінен кіраваць творчым працэсам і кантраляваць працу ШІ, а не наадварот. ШІ, можа, і не заменіць людзей адразу, але калі свядома не ўстанавіць межы, могуць пацярпець упэўненасць у сабе і мысленчыя здольнасці людзей. А без іх немагчыма расці прафесійна, падсумоўвае Парыяві.
Релоцировались? Теперь вы можете комментировать без верификации аккаунта.