Кампаніі ўсё часцей тлумачаць скарачэнні ўкараненнем генератыўнага ШІ, але насамрэч імі кіруе не тэхналогія, а няўпэўненасць. Так лічыць прафесар Кембрыджскага ўніверсітэта Томас Руле.
Кампаніі ўсё часцей тлумачаць скарачэнні ўкараненнем генератыўнага ШІ, але насамрэч імі кіруе не тэхналогія, а няўпэўненасць. Так лічыць прафесар Кембрыджскага ўніверсітэта Томас Руле.
У допісе на LinkedIn ён адзначыў, што кіраўнікі баяцца прымаць кадравыя рашэнні ва ўмовах высокай няпэўнасці і спісваюць іх на «эфект ШІ», каб апраўдацца перад акцыянерамі.
«Мы чуем, як фірмы звальняюць супрацоўнікаў, абвінавачваючы ў гэтым генератыўны ШІ. Але калі глядзець на праблему шырэй, кампаніі проста не адважваюцца прымаць кадравыя рашэнні пры такім узроўні няпэўнасці», — напісаў Руле.
Па яго словах, такая асцярожнасць можа мець доўгатэрміновыя наступствы. «Гэта, безумоўна, паўплывае на кар’ерную мабільнасць — ключавы аспект развіцця чалавечага капіталу», — адзначыў ён.
Руле каментаваў хвалю скарачэнняў у кампаніях у сферы тэхналагічных і прафесійных паслуг, якія знаходзяць для іх самыя разнастайныя падставы. Так, у xAI Ілана Маска скарацілі траціну супрацоўнікаў, якія займаліся разметкай дадзеных, і адначасова павялічылі штат «ШІ-цьютараў» у дзесяць разоў, каб навучаць мадэль Grok. Snorkel AI звольніла 13% персаналу, бо перапрафілюе бізнес. Microsoft, Salesforce і Meta тлумачаць скарачэнне штату факусаваннем на ШІ-прадуктах і павышэннем планкі эфектыўнасці.
Релоцировались? Теперь вы можете комментировать без верификации аккаунта.