Продажы Apple у Кітаі ўпалі на 13%. Гадавая справаздача насцярожыла інвестараў

За папярэдні фінансавы год кампанія павялічыла выручку на 2% да $119,58 мільярда. Удзельны даход на адную акцыю вырас на 16% да $2,18, што стала рэкордным значэннем для кампаніі. Рост нормаў прыбытку перавысіў 46% па выніках папярэдняга квартала. Чысты прыбытак Apple вырас на 13% да $33,92 мільярда.

Выручка ад рэалізацыі iPhone у мінулым квартале вырасла на 6% да $69,7 мільярда, што пацвердзіла прагноз аналітыкаў пра рост цікавасці пасля восеньскага рэлізу iPhone 15. Выручка Apple у Кітаі скарацілася на 13%, хоць кіраўніцтва заўважыла, што на вынік паўплывалі ваганні валютнага курса і ў ісце выручка скарацілася на 5-6%. Колькасць актыўна эксплуатаваных прылад iPhone дасягнула 2,2 мільярда штук у свеце.

Фінансавы дырэктар Лука Маэстры заявіў, што выручка ад рэалізацыі iPhone сёлета будзе на леташнім узроўні $51,33 мільярда за вылікам $5 мільярдаў, якія прыйшліся на адкладзены попыт пасля восеньскіх лакдаўнаў у Кітаі ў 2022 годзе. Кампанія чакае, што сукупная выручка ў першым квартале будзе на ўзроўні леташніх $94, 84 мільярда мінус эфект адкладзенага попыту.

Выручка накіравання паслуг кампаніі вырасла на 11% да $23,11 мільярдаў. Apple мае больш за 1 мільярд кліентаў, якія аформілі платныя падпіскі. Пастаўкі Mac прынеслі на 1% больш выручкі, ніж годам раней — $7,7 мільярда. Для катэгорыі камп’ютараў гэты вынік стаў вялікім дасягненнем, паколькі ў трэцім квартале выручка ўпала на 34%.

Планшэты iPad скарацілі выручку на 25% да $7,02 мільярда. Падзенне тлумачыцца тым, што летась кампанія не паказала ніводнай новай мадэлі, тады як у 2022 годзе выйшлі адразу iPad Pro і iPad дзясятага пакалення. Продажы навінак маглі сфармаваць нявыгадную для параўнання высокую базу.

У катэгорыі «іншых прадуктаў», куды ўваходзяць смарт-гадзіннікі і іншыя нашэнныя прылады, адбылося скарачэнне выручкі на 11% да $11,95 мільярда, аднак гэта вышэй за прагнозы аналітыкаў. На нізкія паказчыкі магла паўплываць патэнтная спрэчка паміж Apple і Masimo, якая прывяла да забароны на рэалізацыю ў ЗША некаторых мадэляў гадзіннікаў праз выкарыстанне тэхналогіі вымярэння ўзроўню кіслароду ў крыві.

У мінулым квартале кампанія назапасіла каля $40 мільярдаў свабодных сродкаў і вярнула каля $27 мільярдаў акцыянерам праз выплату дывідэндаў і выкуп акцый.