Беларускія стартапы могуць паўдзельнічаць у акселерацыйнай праграме Space University, піша Office Life. Пра гэта абвясцілі на форуме для стартаперау Space Day, які праходзіць у Мінску 18 верасня.
Беларускія стартапы могуць паўдзельнічаць у акселерацыйнай праграме Space University, піша Office Life. Пра гэта абвясцілі на форуме для стартаперау Space Day, які праходзіць у Мінску 18 верасня.
Праграма арыентавана на праекты ранняй стадыі і працягнецца два месяцы, распавёў начальнік стартап-цэнтра БДУ Ягор Аліферка. Удзельнікам абяцаюць прадпрымальніцкія кампетэнцыі, экспертызу, зваротную сувязь і супольнасць аднадумцаў.
Рэгістрацыя ўжо адкрыта, заяўкі будуць прымаць па 29 верасня. Праграма разлічана на тры этапы. Першы — HI-Day — стартуе 30 верасня, калі будуць адбіраць найлепшых. Другі — 7-тыдневая адукацыйная частка, дзе распавядуць, што, каму і за колькі можна прадаваць. На трэцім этапе ўдзельнікі будуць пітчыць свае праекты.
Паводле словаў Аліферкі, да фінальнага этапу звычайна даходзяць 20 праектаў, але ў гэтым годзе фіналістаў будзе ўдвая больш, таму што яшчэ 20 праектаў запросяць прэзентаваць ад ВНУ.
Таксама восенню з падачы стартап-цэнтра БДУ пройдуць тры конкурсы інавацыйных рашэнняў Space Hackathon. Заяўкі на першы будуць прымаць з 3 кастрычніка, а сам хакатон пройдзе 10-12 кастрычніка на базе ПВТ.
Яшчэ пра адну магчымасць для стартапаў распавёў начальнік стартап-цэнтра ПВТ Дзмітрый Мікулка. Гэта сістэма інкубіравання, заяўкі ў якую могуць да 19 кастрычніка падаць праекты, якія ўжо маюць юрасобу. Праграма разлічана на год, на працягу якога стартапам дапамогуць стаць прывабнымі для інвестараў.
Кіраўнік наглядовай рады ПВТ Ганна Рабава падкрэсліла, што Парк сёння глядзіць на стартапы «драпежным поглядам» — як на патэнцыйных «адзінарогаў». Раней Рабава называла ўзаемадзеянне з сістэмай адукацыі адным з прыярытэтаў ПВТ, каб «увесь канцэнтрат нашай бізнес-моладзі і непасрэдна распрацоўшчыкаў збіваў каманды, умоўна кажучы, Джобс — Вазняк».
Релоцировались? Теперь вы можете комментировать без верификации аккаунта.