Рынак працы ў сферы ІТ дэманструе супярэчлівыя тэндэнцыі: агульная колькасць тэхналагічных пазіцый скарачаецца, аднак попыт на спецыялістаў з навыкамі ў галіне штучнага інтэлекту дасягнуў рэкордных паказчыкаў.
Рынак працы ў сферы ІТ дэманструе супярэчлівыя тэндэнцыі: агульная колькасць тэхналагічных пазіцый скарачаецца, аднак попыт на спецыялістаў з навыкамі ў галіне штучнага інтэлекту дасягнуў рэкордных паказчыкаў.
Паводле звестак Бюро статыстыкі працы ЗША, у красавіку занятасць у тэхналагічных галінах скарацілася прыкладна на 214 000 працоўных месцаў ва ўсіх сектарах эканомікі. Гэтыя змены адбываюцца на фоне агульнай эканамічнай нявызначанасці, асцярог адносна тарыфаў і зніжэння спажывецкага попыту.
Віктар Янулайціс, выканаўчы дырэктар аналітычнай фірмы Janco, адзначае, што агульнае скарачэнне рынку тэхналагічных працоўных месцаў можна растлумачыць уплывам ШІ і аўтаматызацыі ў такіх галінах, як тэлекамунікацыі і сеткі, дзе скарачэнні працягваюцца. Акрамя таго, многія бізнес-задачы перадаюцца на аўтсорсінг, што таксама спрыяе зніжэнню традыцыйнага рынку працы ў ІТ.
Дадзеныя Janco паказваюць, што ўзровень беспрацоўя на рынку працы ў ІТ ў красавіку знізіўся да 4,6% у параўнанні з 5% у папярэднім месяцы. Часткова гэта зніжэнне можа быць звязана з тым, што прыблізна 5–6% беспрацоўных ІТ-спецыялістаў пакінулі сектар мінулага месяца. Янулайціс называе іх «спецыялістамі сярэдняга ўзроўню, якіх звольнілі і якія не маюць досведу працы з ШІ».
Іншы аналіз, праведзены кампаніяй CompTIA, паказаў, што беспрацоўе ў ІТ, наадварот, вырасла амаль на паўпрацэнтнага пункта на працягу красавіка, дасягнуўшы 3,5%, што з’яўляецца найвышэйшым паказчыкам з чэрвеня. Нягледзячы на гэтыя разыходжанні, эксперты сыходзяцца ў думцы, што перспектывы застаюцца нявызначанымі для тых, хто не валодае навыкамі ў галіне штучнага інтэлекту.
У той жа час попыт на пазіцыі, звязаныя з ШІ, рэзка ўзрос. У красавіку на рынку ЗША з’явілася больш за 55 000 новых вакансій, звязаных з ШІ, што сведчыць пра рост на 184% у параўнанні з паказчыкамі за той жа перыяд летась. Гэта сведчыць аб тым, што, нягледзячы на агульнае зніжэнне колькасці працоўных месцаў у ІТ, попыт працадаўцаў на пазіцыі і навыкі, звязаныя з ШІ, застаецца ўстойлівым.
Некаторыя кампаніі адкрыта заяўляюць пра важнасць ШІ і аўтаматызацыі. Так, кампанія электроннага гандлю Shopify паведаміла, што не будзе наймаць новых супрацоўнікаў, калі менеджары не змогуць даказаць, што ШІ не здольны выканаць дадзеную працу. Аплікацыя для вывучэння моў Duolingo заявіла у нядаўнім мемарандуме, што «штатныя адзінкі будуць выдзяляцца толькі ў тым выпадку, калі каманда не зможа аўтаматызаваць большасць сваёй працы».
У цэлым, планы найму і інвестыцый застаюцца ў рэжыме «чакання» з-за асцярог, звязаных з макраэканамічнай сітуацыяй. Эканаміст Udemy Міша Фішэр адзначыў, што пошук працы можа быць ускладнены, бо кампаніі не спяшаюцца інвеставаць у новых супрацоўнікаў. У той жа час масавых звальненняў не адбылося, таму што большасць кампаній не хоча губляць канкурэнтную перавагу, калі рост адновіцца пазней у гэтым годзе, патлумачыў эксперт.
Рэлацыраваліся? Цяпер вы можаце каментаваць без верыфікацыі акаўнта.
Шпрос
ИИ прям как волшебная палочка и жупел одновременно