У стратэгіі развіцця нацыянальнай мабільнай экасістэмы «Растэлекам» прызнае, што без абмежаванняў на рынку імпартнай тэхнікі смартфонам з АС «Аўрора» будзе складана канкураваць.
У стратэгіі развіцця нацыянальнай мабільнай экасістэмы «Растэлекам» прызнае, што без абмежаванняў на рынку імпартнай тэхнікі смартфонам з АС «Аўрора» будзе складана канкураваць.
Паводле даных «Камерсанта», стратэгію распрацавала кампанія і апісала некалькі сцэнароў развіцця галіны. Негатыўны сцэнар прадугледжвае выпуск да 2030 года 1,5 мільёна прылад на «Аўроры». Асноўнымі крыніцамі заказаў маюць стаць сілавыя і іншыя дзяржструктуры.
Аптымістычны сцэнар прадугледжвае продаж 65,9 мільёна прылад да таго ж тэрміну. Аднак гэты план запатрабуе значнай дзяржаўнай падтрымкі. Напрыклад, паступовай забароны выкарыстання расійскага праграмнага забеспячэння на замежных мабільных АС, увядзення квот на ўвоз тэхнікі з-за мяжы, у тым ліку забароны паралельнага імпарту, субсідый і г. д.
Фінансаваць праект мяркуецца праз канцэсіі з органамі ўлады або дыстрыб’ютарамі. Для папулярызацыі праекта «Растэлекам» прапануе новую федэральную праграму «Сацыяльны тэлефон». Ён мае на мэце «выдачу айчынных смартфонаў сацыяльна ўразлівым слаям насельніцтва». У дакуменце ўдакладняецца, што без гэтай умовы «выхад у спажывецкі сегмент будзе немагчымым».
Патэнцыйны аб’ём рынку для расійскіх мабільных прылад у дакуменце ацэньваецца ў 138 мільёнаў гаджэтаў. З іх каля 80% прыпадае на грамадзян, 17% — на карпаратыўны сектар, каля 4% — на дзяржсектар. У «максімальным» сцэнары «Растэлекам» плануе аснасціць расійскімі гаджэтамі ўсіх расійскіх карыстальнікаў. Канцэпцыя была прадстаўленая Мінлічбы і Мінпрамгандлю, удакладняе крыніца выдання.
Рэлацыраваліся? Цяпер вы можаце каментаваць без верыфікацыі акаўнта.