ААЭ, Расія, Турцыя. У ПВТ 43 новыя рэзідэнты

Паводле інфармацыі прэс-службы ПВТ, новымі рэзідэнтамі сталі кампаніі, якія распрацоўваюць рашэнні для сфер адукацыі і навукі, фінтэху і электроннай камерцыі, транспарту і лагістыкі, энергетыкі, блакчэйну, штучнага інтэлекту і інш.

Больш як 10 рэзідэнтаў створаныя з прыцягненнем замежнага капіталу, у іх ліку кампаніі з ААЭ, Расіі і Турцыі.

Пачаткоўцы ПВТ

• ТАА «Дэвсайнс» — вытворца праграмна-апаратнага комплексу для спорту і медыцыны.
• Прыватнае прадпрыемства «АЛАВІР» — распрацоўшчык уласнай EdTech-платформы, а таксама AI-платформы па генерацыі медыякантэнту.
• «Дэнвіпрайм» плануе распрацаваць серыю прадуктаў, у прыватнасці мабільную праграму для фітнэс практыкаванняў.
• «Ікс-Лабс Інк» будзе рэалізоўваць праект па стварэнні архітэктурных рашэнняў з выкарыстаннем уласных алгарытмаў штучнага інтэлекту.
• «ЛУГЕР Інжынірынг» — вытворца прадукцыі медыцынскага прызначэння. Таксама зоймецца даследаваннямі і распрацоўкамі ў сферы кардыяхірургіі, траўматалогіі, артапедыі і нейрахірургіі.
•  «ЛАНІТ-ТЭХНАЛОГІІ МН» — цэнтр распрацоўкі расійскай групы «ЛАНІТ». Кампанія зоймецца распрацоўкай інфармацыйных сістэм «пад ключ», вэб-праграм, сховішчаў даных і партальных рашэнняў.
• «ЭКСАХАЎС» — распрацоўшчык сістэмы кіравання базамі даных Postgre. 

У студзені гэтага года новымі рэзідэнтамі сталі 43 кампаніі. З улікам двух набораў у ПВТ сёлета ўвайшлі 87 новых рэзідэнтаў.