Redmonk абнавіў топ папулярных моў праграмавання

Аўтары адзначаюць, што галоўным трэндам застаецца адсутнасць значных зрухаў у спісе. Таксама яны згадалі пра імклівы распаўсюд вялікіх моўных мадэляў. Паколькі цяпер яны лепш навучаныя для адных моў (натуральна, найбольш папулярных), ніж для другіх, то гэта можа схіліць карыстальнікаў на карысць першых. З іншага боку, інструменты на аснове такіх мадэляў могуць дапамагчы юзерам хутка вывучыць і пачаць выкарыстоўваць незнаёмыя тэхналогіі, што знізіць бар’ер для новых моў і шырэйшага іхняга выкарыстання.

Рэйтынг за 1 квартал 2023 года выглядае так:

1 JavaScript
2 Python
3 Java
4 PHP
5 C#
6 CSS
7 TypeScript
7 C++
9 Ruby
10 C
11 Swift
12 Shell
12 R
14 Go
14 Scala
16 Objective-C
17 Kotlin
18 PowerShell
19 Rust
19 Dart

Для складання рэйтынгу даследчыкі RedMonk спалучаюць звесткі пра выкарыстанне моў на практыцы (GitHub) і іх абмеркаванне ў сеціве (Stack Overflow), а таксама спрабуюць прадказаць будучыя трэнды іх распаўсюду. Падрабязна пра метадалогію — тут.