Рэцэпт прадукцыйнасці ад Маска: 2-3 выходныя на год, 7 працоўных дзён на тыдзень, 6 гадзін сну

На пытанне журналіста пра тое, ці трэба супрацоўнікам узначаленых Маскам Tesla і SpaceX прыходзіць на працу штодня, мільярдэр адказаў, што працуе «сем дзён на тыдзень», але не чакае таго ж ад астатніх. Таксама ён лічыць аддаленую працу маральна несправядлівай.

«Колькі дзён на год я не раблю аніякай значнай працы? Пэўна, каля двух-трох», — сказаў прадпрымальнік. Ён дадаў, што спіць па 6 гадзін на дзень.

«Я спрабаваў [спаць] менш. Але хоць так я чуйную больш гадзін, зрабіць атрымліваецца менш», — падзяліўся Маск, сказаўшы, што калі недасыпае, то адчувае галаўны боль.

Раней Маск расказваў, што ў складаныя для Tesla перыяды спаў у офісе на падлозе. А неўзабаве пасля куплі Twitter ён начаваў на канапе ў офісе сацсеткі ў Сан-Францыска.