Алеся Чапкевич world 20 сакавіка 2026, 14:22

Робат-танцор учыніў вэрхал ў рэстаране ў Каліфорніі

Калі паўстанне машын, то толькі такое: у рэстаране кітайскай сеткі Haidilao у Купертына робат-танцор у фартуху з надпісам «I’m good» крыху захапіўся і пачаў грукаць рукамі талеркі, адпраўляючы ў палёт ежу і палачкі.

1 каментарый

Калі паўстанне машын, то толькі такое: у рэстаране кітайскай сеткі Haidilao у Купертына робат-танцор у фартуху з надпісам «I’m good» крыху захапіўся і пачаў грукаць рукамі талеркі, адпраўляючы ў палёт ежу і палачкі.

У сітуацыю ўмяшаліся супрацоўнікі — яго трымалі трое, пакуль ён працягваў танчыць. Адна з супрацоўніц тым часам, верагодна, спрабавала разабрацца, як справіцца з робатам праз мабільную аплікацыю.

A dancing humanoid robot got a little too funky during a performance in Cupertino, California and had to be restrained by staff after knocking items off a table. pic.twitter.com/nZQsGoFHn6
— ABC News (@ABC) March 19, 2026

Мяркуючы па ўсім, гэта мадэль AgiBot X2, якая з’явілася на выставе CES у студзені. Робата можна адключыць, але супрацоўнікі, здаецца, не вельмі ўмеюць кіраваць ім.

Прадстаўнікі рэстарана патлумачылі, што робат не зламаўся і не выйшаў з-пад кантролю. Проста ён па просьбе наведвальніка стаяў занадта блізка да століка, а паколькі прастора ў памяшканні абмежаваная, робату не хапіла яе для рухаў.

Haidilao таксама эксперыментуе з робатамі-афіцыянтамі ў Пекіне. У каліфарнійскім рэстаране робата выкарыстоўваюць у забаўляльных мэтах.