Расійская група VK (экс Mail.ru Group) адкрые офіс у Мінску

Расійская група VK (да рэбрэндынгу Mail.ru Group) плануе адкрыць офіс у Мінску да канца года. Пра гэта паведамляе «Камерсант».

Беларускіх распрацоўшчыкаў хочуць прыцягнуць «да стварэння новых прадуктаў, напрыклад, у галіне распрацоўкі гульняў і іншых перспектыўных напрамках». 

У лютым 2022 года гендырэктар кампаніі VK Уладзімір Кірыенка (сын намесніка кіраўніка Адміністрацыі прэзідэнта РФ) трапіў пад санкцыі ЗША.