Расійскія ІТ-спецыялісты пачалі масава скажаць звесткі пра сябе ў рэзюмэ, каб павысіць шансы атрымаць працу. Пра гэта піша CNews са спасылкай на апытанне мясцовага джобборда hh.ru.
Расійскія ІТ-спецыялісты пачалі масава скажаць звесткі пра сябе ў рэзюмэ, каб павысіць шансы атрымаць працу. Пра гэта піша CNews са спасылкай на апытанне мясцовага джобборда hh.ru.
Найчасцей айцішнікі «накручваюць» досвед — паказваюць фіктыўныя праекты, пасады і нават перыяды працы. З праблемай ужо сутыкнулася 54% працадаўцаў, якія іх наймаюць. 13% кампаній маюць справу з фэйкавымі рэзюмэ на рэгулярнай аснове, 24% — часам, 17% — рэдка, а астатнія 45% апытаных пакуль з такім не сустракаліся.
На першым месцы па «ўпрыгожваннях» ідуць распрацоўшчыкі ПЗ — на іх паскардзіліся 20% працадаўцаў. Па 15% рэспандэнтаў узгадалі тэсціроўшчыкаў і кіраўнікоў праектаў, 12% назвалі менеджараў прадуктаў. Крыху радзей перабольшваюць UX-спецыялісты і кіраўнікі груп распрацоўкі, сісадміны і тэхнічныя пісьменнікі, дата-сайентысты, аналітыкі і CIO-дырэктары. Максімальна сумленнымі аказаліся сеткавыя інжынеры і спецыялісты тэхпадтрымкі — пра іх казалі толькі 3% удзельнікаў апытання.
У цэлым практыка вельмі старая і прымяняецца ў самых розных сферах, але ў ІТ гэта — адносна новая тэндэнцыя. На фоне жорсткай канкурэнцыі ў галіне яна, як выказалася выданне, «расквітнела буйным колерам». Па накрутках у рэзюмэ айцішнікі ідуць на 4 месцы пасля спецыялістаў па продажах і абслугоўванні кліентаў, топ-менеджараў і адміністрацыйнага персаналу.
33% працадаўцаў кажуць, што мужчыны часцей хлусяць у рэзюмэ, чым жанчыны. 27% рэспандэнтаў лічаць, што наадварот. Ва ўзроставым разрэзе часцей за ўсё хлусяць маладыя спецыялісты 19-30 гадоў (40%), радзей — прадстаўнікі ўзроставай групы 31-45 гадоў (27%).
Пры гэтым падман зусім не гарантуе поспех, таму што працадаўцы навучыліся правяраць інфармацыю — звяраюцца з працоўнай кніжкай (37% — рэгулярна, 44% — у выпадку сумневаў), тэлефануюць у мінулыя кампаніі, аналізуюць профілі саіскальнікаў у сацсетках і глядзяць на пацверджаныя рэлевантныя навыкі.
71% кампаній могуць распазнаць хлусню ў рэзюмэ проста на сумоўі, радзей яна выяўляецца толькі пры зверцы з працоўнай (27%) ці праверцы мінулых месцаў працы саіскальніка (22%). Праверкай працоўных могуць займацца кадравікі, служба бяспекі кампаніі ці менеджары, што наймаюць.
Упрыгожванне рэзюмэ назвалі важкай нагодай для адмовы 43% расійскіх працадаўцаў. 32% усё ж не стануць спісваць ашуканца з рахункаў, а 24% рэспандэнтаў не змаглі адказаць.
Релоцировались? Теперь вы можете комментировать без верификации аккаунта.
Если вы пилите статью про накрутку опыта, тогда пилите всю картину, а не выровки из контекста. А именно факт того, что эти работодатели посылают в одно место честных кандидатов, из-за чего те вынуждены накручивать опыт. Другими словами, работодатели и сыньёр эйчарки сами хотят нанимать балаболов с накрученным опытом