Расія будзе браць 10% «добраахвотнага ўнёску» ў бюджэт пры продажы актываў замежнікамі

Хто будзе выплачваць унёсак — замежны прадавец ці расійскі пакупнік актыву, — не ўдакладняецца.

Сярод іншых крытэраў:

• незалежная ацэнка кошту актываў;
• продаж актыву са зніжкай у памеры не меншым за 50% ад кошту, вызначанага ў ходзе незалежнай ацэнкі;
• вызначэнне ключавых паказчыкаў эфектыўнасці (KPI) для новых акцыянераў (уласнікаў).

У чэрвені кіраўнік расійскай рады прамыслоўцаў і прадпрымальнікаў Аляксандр Шохін раскрываў, што замежнікі прадаюць бізнэс у Расіі са зніжкай не меншай за 50% да «апошняй афіцыйнай ацэнкі», а міністр фінансаў Антон Сілуанаў пацвярджаў, што гэта адная з умоў. «Цэнтр стратэгічных распрацовак» у кастрычніку ацэньваў, што ў сярэднім дысконты па продажы расійскіх падраздзяленняў замежнымі кампаніямі складаюць каля 70%.