Рынак не паверыў Хуангу: акцыі тэхгігантаў абваліліся пасля фінансавай справаздачы Nvidia

Усе кампаніі «Цудоўнай сямёркі» — гэта Apple, Microsoft, Amazon, Alphabet, Meta, Nvidia і Tesla — за выключэннем Alphabet скончылі тыдзень з мінусам. Самыя вялікія страты зафіксавалі Nvidia, Amazon (6%) і Microsoft (7%).

Alphabet між тым вырасла на 8% на фоне рэлізу новага пакалення мадэляў Gemini 3. Яе акцыі дасягнулі гістарычнага максімуму і працягваюць расці.

Oracle, якая з’яўляецца буйным кліентам Nvidia, абрушылася па выніках мінулага тыдня амаль на 11%. Чыпмейкеры AMD і Micron страцілі па 16%, Marvell Technology — 10%. Акцыі кампаній у сферы квантавых вылічэнняў IonQ і D-Wave патаннелі больш чым на 11% і 13% адпаведна.

У апошнія месяцы аналітыкі і інвестары шмат кажуць пра тое, што на ШІ-рынку сфармавалася бурбалка, якая можа мець сур’ёзныя наступствы, калі лопне. Біржавы трэйдар Майкл Бьюры сцвярджае, што ШІ-чыпы састарэваюць раней, чым заяўляюць іх пастаўшчыкі, не паспяваючы акупіцца, і на амартызацыю трэба закладваць не 6 гадоў, а 2-3 гады. Па яго разліках, да 2026–2028 года разыходжанне па суме амартызацыі дасягне $176 млрд.