Кампанія прадставіла Koa — сваю першую мадэль з магчымасцю разважання для карпаратыўных задач. Яна створана сумесна з Nvidia на базе адкрытай Nemotron і заточана пад продажы, маркетынг і падтрымку кліентаў.
Кампанія прадставіла Koa — сваю першую мадэль з магчымасцю разважання для карпаратыўных задач. Яна створана сумесна з Nvidia на базе адкрытай Nemotron і заточана пад продажы, маркетынг і падтрымку кліентаў.
Koa стане альтэрнатывай Claude і ChatGPT унутры платформы Agentforce. Дасюль складаныя шматкрокавыя запыты Salesforce аўтаматычна накіроўвала ў вонкавыя мадэлі. Спецыяльная сістэма выбірала, якая мадэль лепш падыдзе для канкрэтнай задачы.
«Мы стварылі шмат невялікіх спецыялізаваных моўных мадэляў для Agentforce. Але ў задачах, якія патрабуюць разважання, да гэтага часу спадзяваліся на франтырныя мадэлі. Да сённяшняга дня», — сказаў віцэ-прэзідэнт Salesforce па ШІ Джэеш Гавіндараджан.
Salesforce сцвярджае, што Koa павінна выконваць тыповыя карпаратыўныя задачы з меншай колькасцю токенаў. Пры гэтым кампанія зможа сама кантраляваць мадэль і маршрутызаваць запыты паміж Koa ды іншымі ШІ у залежнасці ад задачы.
Для дадатковага навучання Koa кампаніі Salesforce і Nvidia не выкарыстоўвалі рэальныя дадзеныя кліентаў. Замест гэтага яны стварылі сінтэтычныя сцэнарыі, якія імітуюць працу службы падтрымання і аддзела продажаў — ад размоваў з незадаволенымі пакупнікамі да закрыцця ўгодаў.
Яшчэ адзін аргумент Salesforce — кантроль над дадзенымі. Паколькі Koa працуе ўнутры інфраструктуры кампаніі і не навучалася на кліенцкіх дадзеных, Salesforce пазіцыянуе яе як больш прадказальны варыянт для кампаній з жорсткімі патрабаваннямі да бяспекі і канфідэнцыяльнасці.
Пры гэтым Salesforce не адмаўляецца ад вонкавых мадэляў. Кампанія адначасова абвясціла пра партнёрства з Anthropic у праекце Claudeforce, які дазволіць выкарыстоўваць Claude як інтэрфейс да дадзеных Salesforce, не выводзячы самі дадзеныя за межы інфраструктуры кампаніі.
Рэлацыраваліся? Цяпер вы можаце каментаваць без верыфікацыі акаўнта.