Самазанятых абавяжуць плаціць у ФСАН. Айцішнікаў таксама? А на ППД?
Новае патрабаванне набывае моц 1 кастрычніка.
У Беларусі прыняты закон у пытаннях прадпрымальніцкай дзейнасці. Сярод іншага ён уводзіць абавязковае адлічэнне пенсійных узносаў для фізічных асоб, якія ажыццяўляюць самастойную прафесійную дзейнасць (іх яшчэ называюць самазанятымі).
Памер пенсійных узносаў і парадак іх выплаты — такія ж, як у ІП. То-бок новыя плацельшчыкі абавязаныя плаціць 29% ад даходу, але не менш, чым ад сумы мінімальнага заробку (МЗП ад 1 студзеня 2024 года — 626 BYN), дэдлайн — да 1 сакавіка наступнага за справаздачным года.
За кастрычнік-снежань 2024 года атрымліваецца 554,6 BYN (626×3×29%). Каб не плаціць за непрацоўныя месяцы, трэба да 31 сакавіка па прыкладзе ІП падаць у ФСАН форму персаніфікаванага ўліку ПУ-3.
Норма набывае моц 1 кастрычніка 2024 года.
Прачыталі арт. 11 новага закона (дакладней законапраекта: закон прыняты, але афіцыйна не апублікаваны) і тлумачэнне Мінпрацы, каб зразумець, ці закране гэта айцішнікаў.
Артыкул 11 Закона «Пра змяненне законаў у пытаннях прадпрымальніцкай дзейнасці»
Артыкул 11. Ад 1 кастрычніка 2024 г.:
падлягаюць абавязковаму дзяржаўнаму сацыяльнаму страхаванню ў частцы пенсійнага страхавання:
фізічныя асобы, якія ажыццяўляюць самастойную прафесійную дзейнасць, за выключэннем такіх асоб, якія адначасова з ажыццяўленнем названай дзейнасці з’яўляюцца атрымальнікамі пенсій, а таксама ў перыяд прымянення імі падатковага выліку па падатку на прафесійны даход;
фізічныя асобы, якія ажыццяўляюць рамесную дзейнасць, дзейнасць па аказанні паслуг у сферы аграэкатурызму, за выключэннем такіх асоб, якія адначасова з ажыццяўленнем названай дзейнасці з’яўляюцца атрымальнікамі пенсій;
даецца права на ўдзел у праваадносінах па дзяржаўным сацыяльным страхаванні ў частцы пенсійнага страхавання:
фізічным асобам, якія ажыццяўляюць самастойную прафесійную дзейнасць, якія адначасова з ажыццяўленнем названай дзейнасці з’яўляюцца атрымальнікамі пенсій, а таксама ў перыяд прымянення імі падатковага выліку па падатку на прафесійны даход;
фізічным асобам, што ажыццяўляюць рамесную дзейнасць, дзейнасць па аказанні паслуг у сферы аграэкатурызму, якія адначасова з ажыццяўленнем названай дзейнасці з’яўляюцца атрымальнікамі пенсій.
Для фізічных асоб, якія ажыццяўляюць самастойную прафесійную дзейнасць, рамесную дзейнасць, дзейнасць па аказанні паслуг у сферы аграэкатурызму, за выключэннем такіх асоб, якія з’яўляюцца плацельшчыкамі падатку на прафесійны даход, прымяняюцца аб’ект для налічэння абавязковых страхавых узносаў на пенсійнае страхаванне ў бюджэт дзяржаўнага пазабюджэтнага фонду сацыяльнай абароны насельніцтва Рэспублікі Беларусь, памер такіх узносаў, а таксама тэрміны іх выплаты, устаноўленыя заканадаўствам пра дзяржаўнае сацыяльнае страхаванне для індывідуальных прадпрымальнікаў.
Каго абавяжуць плаціць унёскі ў ФСАН?
Фізічных асоб, якія ажыццяўляюць самастойную прафесійную дзейнасць, рамесную і дзейнасць у сферы агратурызму (ва ўсіх выпадках акрамя пенсіянераў).
Патлумачце за «ажыццяўляюць самастойную прафдзейнасць» — гэта хто, самазанятыя?
Паняцця «самазанятыя» ў заканадаўстве няма, гэтае слова ўсіх блытае. Да іх часам адносяць і тых, хто самастойна плаціць падаходны падатак па выніках года. У законе гаворка вядзецца пра «фізічных асоб, якія ажыццяўляюць самастойную прафесійную дзейнасць». Гэта дзве катэгорыі:
— тыя, хто плаціць ППД;
— тыя, хто плаціць адзіны падатак («адзіншчыкі»).
Стойце, значыць тых, хто на ППД, абавяжуць дадаткова плаціць у ФСАН?
Не. Хоць яны і залічваюцца да тых, хто ажыццяўляе самастойную прафесійную дзейнасць, ніякіх дадатковых абавязкаў у іх не ўзнікае. Бо яны і так ужо плацяць у ФСАН: 60% выплачанага ППД ідзе на пенсійнае страхаванне. У арт. 11 закона так і напісана: «За выключэннем такіх асоб, якія з’яўляюцца плацельшчыкамі падатку на прафесійны даход».
У той перыяд, пакуль чалавек карыстаецца падатковым вылікам (2000 BYN пры рэгістрацыі ў праграме ППД), пенсійнае страхаванне не абавязковае.
Дык значыць, айцішнікі-фрылансеры пад абавязковыя ўнёскі не падпадаюць?
Ну чаму ж. Застаецца ж такая катэгорыя, як плацельшчыкі адзінага падатку. Вось тут актуальны спіс дазволеных відаў дзейнасці і стаўкі.
У іх ліку «распрацоўка вэб-сайтаў, усталёўка (наладжванне) камп’ютараў і праграмнага забеспячэння, Аднаўленне камп’ютараў пасля збою, рамонт, тэхнічнае абслугоўванне камп’ютараў і перыферыйнага абсталявання, навучанне працы на персанальным камп’ютары». Стаўка для Мінска на люты-снежань 2024 года — 637 BYN на месяц.
Вось такія распрацоўшчыкі/сісадміны/рэпетытары і падпадуць пад дзеянне закона. Па аналогіі з ІП ад 1 кастрычніка яны павінны будуць выплачваць у ФСАН мінімум 29% ад мінімальнай заработнай платы за кожны працоўны месяц. За гэта ім будзе налічвацца страхавы стаж.
Ціт рэба будзе кудысьці ісці?
Здаецца, у аддзяленне ФСАН па месцы рэгістрацыі. У Мінпрацы распісалі крокі:
1. Рэгістрацыя ў органах фонду;
2. Выплата ўзносаў у бюджэт фонду да 1 сакавіка (да 1 сакавіка 2025 года — за IV квартал 2024 года, у наступныя гады да 1 сакавіка — за ўвесь каляндарны год);
3. Пасля 1 кастрычніка 2024 года рэгістрацыя «асабістага кабінета плацельшчыка ўзносаў» на партале ФСАН (абяцаюць, што лічбавы подпіс не спатрэбіцца).
4. Да 31 сакавіка (штогод) падача формы ПУ-3 — для тых, хто працаваў няпоўны год і хоча паменшыць гадавы ўзнос.
Wanted. Шукаем айцішнікаў на адзіным падатку. Раскажыце, чым займаецеся, ці шмат зарабляеце і як на вашым бюджэце адаб’юцца ўнёскі ў ФСАН. Пішыце ў наш бот, гэта ананімна.
Читать на dev.by