Samsung зноў затроліла Apple і прапануе пераходзіць на свой «бок»

Гэтым разам Samsung затроліла Apple за адсутнасць айфона-складанчыка. У роліку карыстальнік iPhone сядзіць на плоце і глядзіць у бок крам Samsung, у той час як іншыя карыстальнікі Apple спрабуюць пераканаць яго застацца. «Я пераходжу на бок Samsung, у іх ёсць тэлефоны-складанчыкі і эпічныя камеры», — кажа ён. Іншыя карыстальнікі просяць яго пачакаць, пакуль такія прылады з’явяцца ў Apple. Хлопец пытаецца, чаму яны чакаюць, калі ўсё ўжо даступна «на баку Samsung». У адказ тыя кажуць: «Бо мы так робім, мы чакаем».

Пры канцы роліка кампанія кажа, што прыйшоў «час адысці ад плота» і перайсці на прылады Samsung, а не «чакаць», пакуль Apple дадасць функцыі і прадукты, якія яна ўжо прапануе. Раней у Twitter Samsung таксама апублікавала серыю твітаў, якія высмейвалі iPhone 14 і іншыя новыя гаджаты Apple. Крытыцы падвергліся адсутнасць складанай канструкцыі, разрознасць камеры ды іншыя моманты.