Samsung зноў высмеяла рэкламу Apple

Гаворка ідзе пра новы iPad Pro, які кампанія паказала 7 мая. Да мерапрыемства Apple выпусціла рэкламны ролік «Crush!», у якім музычныя інструменты і іншыя прылады расціскае прэс, у выніку яны ператвараюцца ў «самы магутны» iPad.

Карыстальнікі выступілі з крытыкай роліка, ім не спадабалася ідэя, што тэхналогіі знішчаюць чалавечы досвед. Кампанія выбачылася за спрэчную рэкламу і адмовілася ад планаў паказваць яе на тэлебачанні.

Samsung апублікавала зваротны ролік са словамі: «Мы б ніколі не сталі раздушваць творчасць». У ім дзяўчына грае на пашкоджанай і разладжанай гітары, седзячы на прэсе сярод абломкаў.

Пры гэтым дзяўчына чытае ноты з планшэта Galaxy Tab S9. Пры канцы роліка з’яўляецца слоган «Творчасць нельга раздушыць». Але і на гэты раз карыстальнікі пачалі пытацца, чаму гітара такая пашкоджаная і як гэта суадносіцца са слоганам.