Samsung прадставіла складную «трыкладушку» раней за Apple
Кампанія паказала свой першы смартфон, які складваецца ўтрая, на фоне ўзмацнення канкурэнцыі і чаканняў выхаду складной прылады ад Apple.
Кампанія паказала свой першы смартфон, які складваецца ўтрая, на фоне ўзмацнення канкурэнцыі і чаканняў выхаду складной прылады ад Apple.
Мадэль пад назвай Galaxy Z TriFold выйдзе ў продаж у Паўднёвай Карэі 12 снежня, а затым з’явіцца ў Кітаі, на Тайвані, у Сінгапуры, ААЭ і ЗША. Кошт прылады ў Карэі складзе 3,59 млн вон (каля $2440). У ЗША смартфон чакаецца ў першым квартале 2026 года.
Galaxy Z TriFold атрымаў G-падобную канструкцыю з двума ўнутранымі шарнірамі з тытана. У цалкам разгорнутым выглядзе дыяганаль экрана дасягае 10 цаляў, што робіць прыладу параўнальнай з кампактным планшэтам. Маса смартфона — 309 г, колер — толькі чорны.
Пры складанні экран хаваецца ўнутр корпуса, што абараняе яго ад пашкоджанняў. Калі панэль будзе складзена няправільна, смартфон аўтаматычна вібруе і выводзіць папярэджанне.
Ёмістасць акумулятара складае 5600 мА·г — гэта рэкорд сярод складных мадэляў Samsung. Батарэя размеркавана па трох панэлях, што павінна забяспечыць раўнамернае сілкаванне і стабільную работу. Падтрымліваюцца праводная зарадка магутнасцю 45 Вт і бесправадная — 15 Вт. Прылада працуе на OneUI 8 на базе Android 16, аснашчана 16 ГБ аператыўнай памяці і 512 ГБ ці 1 ТБ убудаванай памяці.
Асноўная камера складаецца з трох модуляў: 200-Мп шырокавугольнага, 10-Мп тэлевіка з трохкратным зумам і 12-Мп звышшырокавугольнага. З франтальных камер — дзве па 10 Мп. У рэжыме разгорнутага экрана TriFold дазваляе запускаць да трох аплікацый адначасова і прапануе інтэрфейс, блізкі да настольнага.
Аналітыкі адзначаюць, што выхад TriFold супадае з узмацненнем канкурэнцыі на рынку складаных смартфонаў. Кітайскія брэнды паскорылі распрацоўку аналагічных мадэляў, а ў 2026 годзе, паводле прагнозаў, свой першы складны гаджэт можа прэзентаваць Apple.
Эксперты лічаць, што Samsung выпусціла TriFold абмежаваным накладам як тэхналагічны пілот для тэставання механізмаў складвання, даўгавечнасці і аптымізацыі ПЗ.
У адказах ChatGPT з’явілася рэклама
У адказах ChatGPT з’явілася рэклама
Apple прэзентавала «авоську» для iPhone
Apple прэзентавала «авоську» для iPhone
iPhone 17 стаў самым паспяховым запускам Apple з часоў пандэміі
iPhone 17 стаў самым паспяховым запускам Apple з часоў пандэміі
Релоцировались? Теперь вы можете комментировать без верификации аккаунта.
раскладушки уже были. Видимо следующий этап борьбы - выпуск кнопочных телефонов заместо лопат для тех, кто хочет ретрит сделать, что в очередной раз подтверждает тезис что ничто не ново под луной, все движется по спирали
Пользователь отредактировал комментарий 2 декабря 2025, 15:58
в ЕС должно быть 3 тыс. евро - 1 тыс. за каждую секцию.
Иначе, если бы человеческая система а-ля МакОс, можно было бы подумать под замену ноуту, но андроид - не.
Пользователь отредактировал комментарий 2 декабря 2025, 16:57