«Найсакрэтнейшы праект» Apple значна прасунуўся — усе чакаюць неінвазійнага глюкометра
Кампанія дасягнула прыкметнага прагрэсу ў распрацоўцы тэхналогіі неінвазійнага маніторынгу ўзроўню цукру ў крыві.
Паводле звестак журналіста Bloomberg Марка Гурмана, Apple мае свой прататып, але пакуль памерам з iPhone. Тэхналогія ствараецца для Apple Watch, таму трэба будзе яшчэ нямала працы. У аснове распрацоўкі ляжыць крэмніевы фатонны чып, які выкарыстоўвае спектраскапію аптычнага паглынання для накіравання святла лазера пад скуру і вызначэння канцэнтрацыі глюкозы ў крыві.
Цяпер тэхналогія знаходзіцца на стадыі «доказу канцэпцыі», праблема палягае ў памеры прылады. Чып для Apple распрацавала TSMC. Раней кампанія супрацоўнічала ў гэтым кірунку з Rockley Photonics, але разарвала кантракт. У групе распрацоўшчыкаў налічваецца сотня інжынераў. Да серыйнай вытворчасці пакуль далёка, Гурман адзначае, што гэты праект з’яўляецца найсакрэтнейшым для Apple і на яго ўжо выдаткаваныя сотні мільёнаў долараў.
Читать на dev.by