Николай Чикишев 22 лютага 2023, 12:04

Хакеры ўзламалі азіяцкія дата-цэнтры Apple, Amazon і яшчэ 2 тысяч кампаній

Зламыснікі атрымалі доступ да ўліковых даных для ўваходу ў сістэмы падтрымкі азіяцкіх цэнтраў апрацоўкі даных.

Паводле звестак Bloomberg, гаворка вядзецца пра дата-цэнтры Apple, Amazon, BMW, Goldman Sachs, Microsoft і яшчэ каля 2 тысяч кампаній. Хакерам удалося атрымаць доступ да камер назірання, узламаныя акаўнты мелі прывілеі, якія дазвалялі атрымліваць нават фізічны доступ да сервераў.

Было ўзламанае абсталяванне GDS Holdings (GDS) і ST Telemedia Global Data Centers (STT GDC) — найбуйнейшыя азіяцкія кампаніі, якія аказваюць паслугі па размяшчэнні сервераў у сваіх дата-цэнтрах. Паводле звестак GDS, уцечка адбылася праз узлом сайта тэхпадтрымкі кампаніі ў 2021 годзе. Абедзве кампаніі заявілі, што ўцечка не становіць небяспекі для кліентаў і IT-сістэм.

Аднак кіраўнікі чатырох пацярпелых амерыканскіх кампаній заявілі, што скрадзеныя даныя з’яўляюць сур’ёзную небяспеку, бо сістэмы падтрымкі кліентаў кантралююць, каму дазволены фізічны доступ да сервераў. Хакеры выставілі сабраную базу даных у даркнэце за $175 тысяч.