Угода Microsoft З ААЭ можа прывесці да ўцечкі АІ-тэхналогій. Усе думаюць, як гэтага пазбегнуць

Прэзідэнт Microsoft Брэд Сміт пацвердзіў, што рэалізацыя пагаднення прадугледжвае экспарт найважнейшых кампанентаў тэхналогіі АІ, у тым ліку вагаў мадэляў — параметраў, якія вызначаюць іх магчымасці. Мэта праекта — укараненне тэхналогій АІ ў тых рэгіёнах, дзе немагчымая распрацоўка і выкарыстанне АІ уласнымі сіламі. Паводле дамовы, Microsoft інвестуе ў G42 $1,5 мільярда, а прэзідэнт кампанні атрымае месца ў радзе дырэктараў G42.

Аднак далейшае прасоўванне ўгоды запатрабуе ўхвалення Міністэрства гандлю ЗША. Невядома, якія менавіта тэхналогіі будуць перададзеныя ў ААЭ і іншыя краіны і якія меры бяспекі будуць прынятыя. Напрыклад, дагэтуль ідзе абмеркаванне палажэнняў аб абароне вагаў мадэляў АІ. Пакуль няма тэхналогій для шыфравання вагаў мадэляў, а перспектыўныя тэхнічныя рашэнні гэтай задачы з’явяцца яшчэ няскора. Адзін з варыянтаў — гэта аддзяленне частак ЦАД, у якіх размешчаныя чыпы і вагі, з абмежаваннем доступу.

Кампанія падкрэслівае, што ў пагадненні прадугледжаныя гарантыі абароны тэхналогій Microsoft, а таксама палажэнні, якія прадухіляюць іх перадачу і далейшае выкарыстанне кітайскімі кампаніямі для навучання ўласных сістэм АІ. Напрыклад, палітыка ідэнтыфікацыі KYC (Know Your Customer) дазволіць вызначыць, хто будзе працаваць з тэхналогіямі Microsoft, а таксама дасць паўнамоцтвы карпарацыі накладаць штрафы на G42 у выпадку парушэнняў. Арбітражныя спрэчкі будуць разглядацца ў Лондане, а не ААЭ.

Хоць кампаніі абавязаныя раскрываць на патрабаванне рэгулятара камерцыйную інфармацыю ўгод і ў некаторых выпадках атрымліваць экспартныя ліцэнзіі, амерыканскае заканадаўства дэманструе прабелы ў экспартным кантролі. Напрыклад, дагэтуль не існуе сродкаў рэгулявання для экспарту мадэляў АІ. Сітуацыя пагаршаецца адсутнасцю паміж ЗША і ААЭ дамовы аб перадачы канфідэнцыйных тэхналогій.