Николай Чикишев 31 ліпеня 2023, 17:39

SEC патрабавала ад Coinbase спыніць гандаль крыптой, акрамя біткойна. Тая адмовілася

Камісія па каштоўных паперах ЗША (SEC) запатрабавала ад крыптабіржы спыніць гандаль усімі крыптавалютамі, акрамя біткойна, перш ніж падаць пазоў.

1 каментарый

SEC патрабавала ад Coinbase спыніць гандаль крыптой, акрамя біткойна. Тая адмовілася

Камісія па каштоўных паперах ЗША (SEC) запатрабавала ад крыптабіржы спыніць гандаль усімі крыптавалютамі, акрамя біткойна, перш ніж падаць пазоў.

Паводле слоў гендырэктара Coinbase Браяна Армстранга, кампанія адмовілася выконваць патрабаванне рэгулятара. Тады SEC выставіла абвінавачванне, заявіўшы, што крыптабіржа парушыла заканадаўства ў сферы каштоўных папер, выступаючы ў якасці незарэгістраванага брокера, нацыянальнай біржы і клірынгавага агенцтва.

«Яны вярнуліся да нас і сказалі: «Мы лічым, што любы актыў, акрамя біткойна, з’яўляецца каштоўнай паперай». Мы спыталіся, як жа яны прыйшлі да такой высновы, бо нашая інтэрпрэтацыя закона не такая. А яны адказалі: «Мы не збіраемся вам гэта тлумачыць, вы мусіце выключыць з пераліку ўсе актывы, акрамя біткойна», — заявіў Армстранг.

Рэгулятар аднёс да каштоўных папер некалькі крыптавалют, сярод іх Solana (SOL), Cardano (ADA), Polygon (MATIC), Filecoin (FIL), SAND, AXS, CHZ, FLOW, ICP, NEAR, VGX, DASH і NEXO. Кіраўнік Coinbase лічыць, што выключэнне актываў з абароту можа азначаць «канец крыптаіндустрыі ў ЗША». Раней SEC падала ў суд на Binance і яе кіраўніка Чанпэна Чжаа за парушэнне правілаў гандлю каштоўнымі паперамі.