Заснавальнік OpenAI Сэм Альтман запусціў сваю крыптавалюту. Кампанія будзе выдаваць токены бясплатна тым, хто пройдзе сканаванне сятчаткі вока. Да праекта далучаюцца сотні тысяч людзей, а бізнэсовец хоча з дапамогай Worldcoin перамагчы беднасць. Разбіраемся, як гэта працуе.
Заснавальнік OpenAI Сэм Альтман запусціў сваю крыптавалюту. Кампанія будзе выдаваць токены бясплатна тым, хто пройдзе сканаванне сятчаткі вока. Да праекта далучаюцца сотні тысяч людзей, а бізнэсовец хоча з дапамогай Worldcoin перамагчы беднасць. Разбіраемся, як гэта працуе.
Worldcoin — праект кампаніі Tools for Humanity, сузаснавальнікамі якой выступілі Сэм Альтман, Алекс Бланія і Макс Новендстэрн. Па сутнасці, гэта пратакол для ідэнтыфікацыі асобы і фінансавых аперацый, які ўключае
Стартап адрозніваецца ад іншых крыптапляцовак незвычайным спосабам размеркавання токенаў сярод карыстальнікаў. WLD будзе выдавацца тым, хто пройдзе ідэнтыфікацыю з дапамогай сканавання райка вока — кожнаму кліенту пратакол налічае 25 токенаў. Карыстальніку выдаюць прыладу пад назвай Orb, з яе дапамогай кліент скануе вока і атрымлівае лічбавы ідэнтыфікатар World ID. Worldcoin уклала ўгоду з вытворцам Jabil для нарошчвання выпуску Orb: іх могуць выпускаць да 400 прылад на месяц.
У кожнай краіне, дзе дазволены Worldcoin, працуюць нацыянальныя аператары — мясцовыя кампаніі, якія валодаюць прыладамі Orb і дапамагаюць атрымаць World ID. Цяпер яны даступныя ў Аргенціне, Чылі, Кеніі, Партугаліі, Іспаніі. Кампанія плануе пашырыць геаграфію прысутнасці. Да канца года абяцаюць адкрыць доступ у Берліне, Дубаі, Лондане, Мехіка, Маямі, Нью-Ёрку, Сан-Францыска, Сеуле і Токіа. Распрацоўшчыкі сцвярджаюць, што ідэнтыфікатар можна выкарыстоўваць «у шырокім спектры паўсядзённых праграм без раскрыцця асобы». З дапамогай пратакола ідэнтыфікацыі World ID карыстальнікі змогуць пацвердзіць сваю асобу ў сеціве.
Распрацоўшчыкі сцвярджаюць, што канфідэнцыйнасць біяметрычных даных забяспечвае крыптаграфія з нулявым разгалашэннем. Гэта пратакол, які дазваляе аднаму боку (таму, які даказвае) пацвердзіць праўдзівасць сцверджання другому боку (верыфікатару), пры гэтым не раскрываючы ніякай дадатковай інфармацыі пра яго. Яго ўжываюць для правядзення фінансавых крыптатранзакцый або ў ролі інструмента, які забяспечвае верыфікацыю даных і карыстальнікаў.
Worldcoin выплачвае кампаніям узнагароджанне ў стэйблкойнах за тое, што яны праводзяць працэдуру сканавання вачэй добраахвотнікаў. Напрыклад, у Кеніі летась паспелі зарэгістраваць каля 250 тысяч чалавек. Але праект сутыкнуўся з чорным рынкам акаўнтаў. СМІ паведамлялі, што ў Кітаі, дзе Worldcoin няможна зарэгістраваць, карыстальнікі купляюць сканы райка вока, зробленыя ў афрыканскіх краінах, за $30. Тады кампанія паспрабавала вырашыць праблему, уключыўшы «карэкціроўку працэсу першапачатковай рэгістрацыі з асабістай прысутнасцю» і дадаўшы дынамічныя QR-коды.
У сакавіку гэтага года праект прыцягнуў $115 мільёнаў у рамках інвестыцыйнага раўнда, які ўзначаліла кампанія Blockchain Capital. Усяго кампанія здолела сабраць больш за $240 млн ад венчурных фондаў, уключаючы Andreessen Horowitz (a16z), Tiger Global, Khosla Ventures і венчурнае падраздзяленне біржы Coinbase. Акрамя таго, праект фінансаваў нават заснавальнік збанкрутавалай біржы FTX Сэм Бэнкман-Фрыд.
Альтмана можна назваць «мозгам» усяго праекта: Сэм адказвае за стварэнне стратэгіі для лепшага маштабавання Worldcoin. Бізнэсовец лічыць, што з дапамогай гэтага інструмента можна перамагчы глабальную беднасць. Сёння каля 1,7 мільярда чалавек не маюць доступу да ніякіх фінансавых інструментаў, уключаючы рахункі ў банках. Worldcoin дапамагае не толькі ідэнтыфікаваць асобу, але і дае токен у якасці сродку аплаты і можа выступаць у якасці сродку ашчаджання.
Ідэя бізнэсоўца — гэта стварэнне дэцэнтралізаванай аўтаномнай арганізацыі (DAO). Для гэтага ў праекта ёсць некамерцыйны фонд WorldCoin Foundation, які мае дапамагчы развіць DAO. У далейшым распрацоўшчыкі плануюць перадаць правы на брэнд Worldcoin і звязаныя з пратаколам тэхналогіі фонду з рэгістрацыяй на Кайманавых астравах і філіялам на Брытанскіх Віргінскіх астравах. Таксама кампанія хоча стварыць праграму грантаў для распрацоўшчыкаў.
У абмен на сканаванне карыстальнік атрымлівае токены Worldcoin. Таксама мяркуецца, што кліенты змогуць запытваць іх штотыдзень, пры гэтым іх агульная колькасць з часам будзе змяншацца. Агульная колькасць WLD складзе 10 млрд штук, з іх 80% прызначаныя для карыстальнікаў, аператараў і экасістэмы, 20% — для каманды і інвестараў. Апошнія будуць разблакаваныя цягам трох гадоў. Токены WLD не будуць даступныя ў ЗША і некалькіх іншых краінах.
Стваральнікі World ID прапануюць выкарыстоўваць ідэнтыфікатар для абароны ад ботаў і пацверджання асобы ў сацсетках. Таксама яго можна ўжываць для галасаванняў у DAO або анлайн-апытаннях, для абароны ад махляроў, пры размеркаванні дапамог, стыпендый і іншай сацыяльнай дапамогі. Цяпер раздачу токенаў чакаюць каля 2 мільёнаў карыстальнікаў. Верагодна, Tools for Humanity будзе зарабляць на камісіях пры правядзенні транзакцый або абменаў («свопаў») унутры гаманца.
Рэлацыраваліся? Цяпер вы можаце каментаваць без верыфікацыі акаўнта.