Сяргей Брын асабіста просіць АІ-даследчыкаў не сыходзіць з кампаніі ў OpenAI

Званок Брына, яго абяцанні і прыбаўка да зарплаты пераканалі супрацоўніка застацца на сваёй пазіцыі ў Google.

Такая мера ўтрымання і прыцягнення каштоўных кадраў, падобна, уваходзіць у трэнд у тэхнагігантах, якія вядуць барацьбу за АІ-таленты. Пул топавых кадраў пакуль адносна невялікі, а попыт на прасунутыя АІ-скілы прабівае столь.

Буйныя кампаніі спрабуюць прывабіць АІ-спецыялістаў вялізнымі заробкамі і наяўнасцю магутнасцяў для даследаванняў і распрацоўкі пражэрлівых мадэляў. Фаўндар Perplexity AI Аравінд Шрынівас паспрабаваў перавабіць аднаго з супрацоўнікаў Meta. Той адказаў, каб з ім зноў звязаліся, калі ў стартапа будзе 10 тысяч чыпаў Nvidia H100.