На Нацыянальным прававым інтэрнэт-партале апублікавана пастанова Савміна, якая дае сілавым органам права абмяжоўваць доступ да сайтаў і пазбаўляць карыстальнікаў інтэрнэт-сувязі. Яна ўжо ўступіла ў сілу.
На Нацыянальным прававым інтэрнэт-партале апублікавана пастанова Савміна, якая дае сілавым органам права абмяжоўваць доступ да сайтаў і пазбаўляць карыстальнікаў інтэрнэт-сувязі. Яна ўжо ўступіла ў сілу.
Цяпер Генпракуратура, КДБ, Следчы камітэт і МУС могуць патрабаваць блакіроўкі інтэрнэт-рэсурсаў і асобных паслуг сувязі. Пасля падачы хадайніцтва Дзяржаўная інспекцыя па электрасувязі будзе ўносіць у спецыяльны спіс адпаведныя дамены, IP-адрасы і URL. У аператараў будзе чатыры гадзіны, каб паставіць заглушкі на такія сайты.
Заблакаваны можа быць як асноўны сайт, так і ўсе яго паддамены. Пры заходзе на сайт будзе адлюстроўвацца паведамленне аб абмежаванні. Яго могуць зняць, калі ўладальнік выправіць парушэнні, а адмову можна абскардзіць.
Аналагічна, абаненту могуць часова ці цалкам адключыць паслугу доступу ў інтэрнэт за парушэнне правілаў. Калі выправіцца, падключэнне могуць аднавіць, але слова за ўпаўнаважанымі органамі.
Па змаўчанні адключаць сувязь будуць на паўгода, калі сілавікі не ўстановяць іншы тэрмін. Калі за гэты час рашэнне аб узнаўленні паслуг не будзе прынята, то аператар будзе павінен цалкам разарваць дагавор.
На працягу 6 месяцаў абанент можа сам адмовіцца ад паслуг. Але аператарам могуць забараніць заключаць новы дагавор з абанентам, якому сілавікі вырашылі адключыць сувязь і інтэрнэт. Нумар нельга будзе перадаваць новаму абаненту тры месяцы.
Релоцировались? Теперь вы можете комментировать без верификации аккаунта.
А платить все равно придется или абоненская плата тоже браться не будет?