У Маскве ўзляцелі продажы пэйджараў, стацыянарных тэлефонаў, папяровых карт

З 6 па 10 сакавіка ў параўнанні з тым жа перыядам лютага продажы рацый павялічыліся на 27%, пэйджараў для сувязі з кліентамі і персаналам — на 73%, а стацыянарных тэлефонаў — прыкладна на чвэрць. Павелічэння попыту на Wi-Fi роўтары ў апошнія дні не адзначана. Але ў публікацыі гаворыцца, што «Wi-Fi роўтарамі расіяне, па ўсёй відавочнасці, закупіліся яшчэ ў мінулым годзе» — рост продажаў на 70% у грошах і на 60% у штуках назіраўся раней у 2024 годзе.

Таксама ў перыяд з 6 па 11 сакавіка на пляцоўцы рэкордна выраслі продажы папяровых карт. Продажы аўтадарожных карт павялічыліся на 170% у натуральным выражэнні, складных — на 70%, а карт Масквы — на 20% у параўнанні з 6–11 лютага. У кампаніі гэта нясмела звязваюць з нестабільнай працай мабільнага інтэрнэту. Пры гэтым продажы карт Расіі, свету і навучальных карт, а таксама насценных карт сталіцы не змяніліся ці нават крыху скараціліся.

Збоі ў Маскве і іншых расійскіх рэгіёнах неаднаразова фіксаваліся на працягу мінулага і бягучага тыдня. 3–10 сакавіка ў сталіцы былі праблемы з мабільным інтэрнэтам і галасавой сувяззю, асабліва ў цэнтры і ў метро. У некаторых карыстальнікаў працавалі толькі сайты з белага спісу — пераліку рэсурсаў і сэрвісаў, якія павінны заставацца даступнымі нават пры абмежаваннях інтэрнэту.

Крэмль тлумачыў адключэнні неабходнасцю забяспечыць бяспеку расіян па меры выкарыстання Украінай «усё больш вытанчаных метадаў для атак». Дзмітрый Пяскоў заявіў, што абмежаванні і іншыя меры будуць дзейнічаць «настолькі доўга, наколькі неабходна».

Суразмоўцы «Коммерсанта» на ІТ-рынку кажуць, што сукупная шкода для бізнесу Масквы за пяць дзён з 6 сакавіка склала 3-5 млрд расійскіх рублёў ($38-63 млн). Адключэнні мабільнага інтэрнэту мацней за ўсё адбіваюцца на малым і сярэднім бізнесе. Многія буйныя кампаніі ўжо сутыкаліся з абмежаваннямі ў рэгіёнах і паспелі ўкараніць «рэзервовыя каналы сувязі і адаптаваць працэсы». Сярод найбольш пацярпелых сфер суразмоўцы выдання называюць кур’ерскія службы, таксі, каршэрынг і рознічны гандаль з мабільнымі POS-тэрміналамі. Праблемы пацвярджаюць удзельнікі рынку анлайн-гандлю і дастаўкі.

Заснавальнік «Яндэкса» адмовіўся ад расійскага грамадзянства

Па тэме

Заснавальнік «Яндэкса» адмовіўся ад расійскага грамадзянства