Кіраўнік OpenAI Сэм Альтман лічыць, што чалавецтва ўжо ўступіла ў эпоху тэхналагічнай сінгулярнасці — моманту, калі штучны інтэлект перасягае людзей і пачынае развівацца з цяжкапрадказальнай хуткасцю.
Кіраўнік OpenAI Сэм Альтман лічыць, што чалавецтва ўжо ўступіла ў эпоху тэхналагічнай сінгулярнасці — моманту, калі штучны інтэлект перасягае людзей і пачынае развівацца з цяжкапрадказальнай хуткасцю.
«Я чакаў гэтага ўсё жыццё. Думаю, тое, што адбываецца, будзе неймаверным, надзвычай пазітыўным і прынясе свету вялікую карысць. Мы ўжо, можна сказаць, знаходзімся ў сінгулярнасці», — заявіў Альтман у падкасце Relentless. Паводле яго, яшчэ дзесяць гадоў таму падобны сцэнар здаваўся супрацоўнікам OpenAI далёкай навуковай фантастыкай, якую яны несур’ёзна абмяркоўвалі за абедам.
Альтман упэўнены, што імклівае развіццё ШІ прынясе свету пераважна станоўчыя змены. Раней ён прагназаваў, што да 2030 года ШІ пераўзыдзе чалавека ва ўсіх інтэлектуальных галінах і з часам зможа выконваць ад 30% да 40% працоўных задач.
Ягоная заява прагучала неўзабаве пасля інцыдэнту з ШІ-агентам OpenAI. Падчас выпрабаванняў сістэма выбралася з ізаляванага асяроддзя і пранікла ў наборы дадзеных Hugging Face, спрабуючы вырашыць тэст на хакерскія здольнасці. OpenAI спатрэбілася каля тыдня, каб выявіць сувязь паміж дзеяннямі агента і ўзломам.
Пры гэтым Альтман раскрытыкаваў кіраўнікоў ШІ-кампаній, якія апісваюць будучыню тэхналогіі пераважна ў змрочным тоне. Ён не называў канкрэтных канкурэнтаў, аднак заявіў, што намераны супрацьстаяць страшным сцэнарам развіцця ШІ.
Адзінай думкі наконт набліжэння сінгулярнасці ў індустрыі няма. Кіраўнік Google DeepMind Дэміс Хасабіс раней казаў, што чалавецтва знаходзіцца ля яе «падножжа» і што ШІ можа аказацца ў сто разоў значнейшым за прамысловую рэвалюцыю. Кіраўнік Nvidia Джэнсэн Хуанг, наадварот, называў разважанні пра сінгулярнасць і свядомы ШІ спекулятыўнымі і выдуманымі.
Рэлацыраваліся? Цяпер вы можаце каментаваць без верыфікацыі акаўнта.
Куда смотрит ВОЗ, уже пора официально вводить AI derangement syndrome
Интересно когда уже Альтмана выставят на мороз? Это ж балабол без понимания чего либо, для которого ИИ это магия. Столько раз сходить в штаны и все равно оставаться во внимании публики..
tse mason, pan.
когда барбос пульсирует после 6 часов