40+% айцішнікаў у рэгіёнах атрымліваюць ад 4000 рублёў. Вось што паказаў наш рэсёрч
Працягваем даследаваць, як жывуць маладыя айцішнікі ў рэгіёне. Вось тут — партрэт айцішніка буйнымі мазкамі. Цяпер углядаемся ў дэталі: колькі ён зарабляе і пра што марыць.
У анкетаванні ўзялі ўдзел 220+ рэспандэнтаў з абласных цэнтраў і меншых гарадоў: Шчучына, Стоўбцаў, Дзяржынска, Драгічына і іншых.
Сапраўднае і жаданае
Амаль 40% удзельнікаў на пытанне аб заробку адказалі, што атрымліваюць менш за 3000 BYN. Самай малалікай групай (8%) выявілася тая, у якой зп у інтэрвале 3000-4000 BYN, а самай шматлікай (44%) — з заробкам большым за 4000 BYN. Амаль чвэрць айцішнікаў адказала, што атрымлівае менш за 2000 BYN.
А колькі хацелі б зарабляць?
«1000 BYN», — адказалі 20 чалавек — з тых, хто паказаў, што атрымлівае менш за 2000 BYN або ўвогуле не працуе. Так, такая селяві. Было таксама некалькі адказаў пра жаданне зарабляць 700 BYN.
З тых, хто атрымлівае 3000-4000 BYN і вышэй, 21 чалавек паказаў, што хацеў бы атрымліваць 5000 BYN, 18 чалавек — што 6000-7000 BYN, 8 чалавек — што 10 000-15 000 тысяч BYN. Пяцёра задралі планку мары да 100 000 BYN.
Амаль 80% рэспандэнтаў мае заначку, амаль палове ўдалося назбіраць больш за тры заробкі, траціне — менш за тры зп. А вось 22% маладых айцішнікаў у рэгіёнах наогул не ўдаецца нічога назбіраць.
Кім бачаць сябе праз пяць гадоў
Вось як удзельнікі адказалі на «ўлюбёнае пытанне эйчараў»: кім вы сябе бачыце праз пяць гадоў? Звярніце ўвагу на геаграфію. А яшчэ на мары пра сям’ю і дзяцей і агаворкі пра сітуацыю ў краіне і свеце.
- «Хацелася б аддалена працаваць на любой пасадзе. Месца пражывання мяняць не хочацца, узровень даходу ў 1500 долараў лічу дастатковым, сямейнага становішча мяняць не планую».
- «Мідл/сеньёр, які працуе ў сферы, напрыклад, ІБ, і імкнецца пераехаць у Нарвегію са сваёй парай».
- «Жанаты, ёсць дзіця, распрацоўшчык у прадуктовай кампаніі, з/п 1000 долараў, маю магчымасць падарожнічаць».
- «Middle+ QA, зп 1000+, ёсць магчымасць працаваць аддалена, магчыма, у іншай краіне, замужам».
- «HRD буйной міжнароднай кампаніі».
- «Middle Product Manager з зп мінімум каля 3500 еўра на міжнародным рынку, жыву дзе-небудзь у Валенсіі».
- «Мамай :)».
- «Хацелася б усё ж пайсці працаваць у дызайн, вырасці ў грэйдзе і стаць добрым прафесіяналам. Разам з гэтым павысіць узровень даходу, каб была магчымасць падарожнічаць».
- «Фулстэк QA-інжынер у класнай кампаніі на цікавым праекце з прыбыткам ад 5K у. е. у Партугаліі».
- «Мідл, 2000К+, ЗША або Еўрасаюз»,
- «Пражываю ў еўрапейскай краіне і з’яўляюся запатрабаваным спецыялістам з унікальным досведам».
- «Улічваючы бягучую сітуацыю, [магу сказаць толькі, што стану] старэйшым на 5 гадоў, не магу планаваць».
- «Сеньёр, можа быць, >2000$ зп, Беларусь (калі ў цэлым нічога крытычнага не адбудзецца), не жанаты».
- «Тут бы на год спрагназаваць, пакуль уводзіць у ступар гэтае пытанне праз такі зменлівы свет».
- «6000$/месяц, Кіпр, жанаты».
- «Заручаны Middle мабільны распрацоўшчык, які зарабляе 4000€ і пражывае дзесьці на поўдні Францыі або ў Эстоніі (калі не ядзерная зіма)».
- «Маладым спецыялістам у якім-небудзь нямецкім правайдару, з заробкам ад 45К еўра на год дзеля blue card :), пажадана ў Берліне, у шлюбе».
- «Мне будзе 28. У пастаянных стасунках, з пасведчаннем кіроўцы, з намёкам хаця б на ўласнае жытло, усё яшчэ ў дызайне, спадзяюся, не будзе ў Беларусі вайны, таму ў РБ».
Читать на dev.by