Sony спрабавала запусціць PlayStation Plus на Xbox. Microsoft адмовілася

З матэрыялаў вынікае, што ў пэўны момант Sony спрабавала запусціць анлайн-сэрвіс PlayStation Plus на платформе Xbox і ўкараніць падпіску ў экасістэму Microsoft, але канкурэнт не дазволіў гэтага зрабіць. Раней Microsoft заявіла, што прапаноўвала перанесці Game Pass на сістэмы Sony, каб карыстальнікі PlayStation змаглі атрымаць доступ да эксклюзіўнага кантэнту падпіскі, але атрымала адмову.

«Пазіцыя Microsoft, паводле якой запуск Game Pass на PlayStation стане панацэяй ад магчымай шкоды, што нанясе набыццё Activision Blizzard, гучыць асабліва непераканаўча, улічваючы, што Microsoft не дазваляе з’явіцца на Xbox PlayStation Plus», — заявіла Sony.

Эксперты адзначаюць, што кампаніі выкарыстоўваюць уласныя платформы для прасоўвання сваіх прадуктаў і ў аніводнай з кампаній няма жадання дапускаць да сябе падпіску ад канкурэнта. Напрыклад, таму Game Pass, хутчэй за ўсё, ніколі не з’явіцца на Nintendo Switch.