Сузаснавальнік «Яндэкса» развітаўся з супрацоўнікамі кампаніі

«Давайце ўдакладню, дзе я і што я. Як вы ведаеце, я ўжо даўно не кірую расійскім Яндэксам, а ў сёлета мне і зусім прыйшлося пакінуць усе пасады ў кампаніі. Цяпер рада дырэктараў і менеджмент распрацоўваюць план рэструктурызацыі кампаніі — у цяперашніх умовах, як мне здаецца, ён цалкам разумны і неабходны», — напісаў Волаж. Ён дадаў, што яму па-ранейшаму цікава дапамагаць парадамі чатыром міжнародным стартапам, якія могуць развівацца па-за холдынгам Яндэкса.

«Усе гэтыя 30 гадоў мы рабілі яго разам — з нуля, ва ўмовах глабальнай канкурэнцыі, імкнучыся паводзіць сябе адкрыта і сумленна», — працягнуў Волаж. Ён назваў кампанію «праектам свайго жыцця» і падзякаваў усім, хто дапамагае ёй развівацца. «Няхай новы год прынясе ўсім мір», — сказаў бізнэсовец.

У чэрвені, пасля ўключэння ў санкцыйны спіс, Аркадзь Волаж пакінуў праўленне і пасаду гендырэктара матчынай кампаніі «Яндэкса» — нідэрландскай Yandex N. V. У лістападзе стала вядома, што «Яндэкс» плануе вылучыць частку бізнэсу, у тым ліку міжнародныя кірункі, у асобную групу. Пасля гэтага дарадцам у карпаратыўным развіцці «Яндэкса» стаў экс-кіраўнік Падліковай палаты Расіі Аляксей Кудрын. Паводле паведамлення The Bell, менавіта ён вырашаў лёс кампаніі з Пуціным.