Дэвід Хансан, стваральнік папулярнага фрэймворка Ruby on Rails і тэхнічны дырэктар кампаніі 37signals, заявіў, што пры найме праграмістаў звяртае ўвагу зусім не на дыпломы, адзнакі ці рэзюмэ.
Дэвід Хансан, стваральнік папулярнага фрэймворка Ruby on Rails і тэхнічны дырэктар кампаніі 37signals, заявіў, што пры найме праграмістаў звяртае ўвагу зусім не на дыпломы, адзнакі ці рэзюмэ.
У шасцігадзінным інтэрв’ю падкастэру Лексу Фрыдману ён заявіў, што вырашальнымі з’яўляюцца навыкі праграмавання і якасны суправаджальны ліст. «Калі вы не можаце граматна напісаць суправаджальны ліст і не патурбаваліся зрабіць яго персаналізаваным для нашай кампаніі — вы выбываеце. Я магу працаваць аддалена толькі з тымі, хто ўмее ясна выказваць думкі пісьмова», — сказаў Хансан.
Акрамя пісьма абавязковым крытэрам застаецца высокая якасць коду. Хансан растлумачыў, што ацэньвае кандыдатаў па тэставым заданні, максімальна набліжаным да рэальнай працоўнай сітуацыі. Ён шукае такіх праграмістаў, чые рашэнні будуць зразумелымі і праз пяць гадоў, калі давядзецца вяртацца да коду дзеля выпраўлення багаў. «Не раз бывала: рэзюмэ выдатнае, гучыць пераканаўча — але потым я гляджу на код і думаю: „Ні за што. Мы не возьмем гэтага чалавека“», — распавёў ён.
Ханссан адзначыў, што з развіццём ШІ крытэрыі найму могуць змяніцца, але пакуль два галоўныя фільтры застаюцца ранейшымі: граматны ліст і практычныя навыкі. Паводле дадзеных апытання Resume Genius за 2023 год, 83% рэкрутараў у ЗША амаль заўсёды чытаюць суправаджальныя лісты, нават калі яны не абавязковыя. А 73% кампаній, якія фармальна не патрабуюць лісты, усё роўна надаюць ім увагу.
Рэлацыраваліся? Цяпер вы можаце каментаваць без верыфікацыі акаўнта.