Стваральнікі Instagram працуюць над новай сацсеткай
Заснавальнікі сацсеткі Кевін Сістрам і Майк Крыгер распрацоўваюць сацсетку Artifact, якая будзе працаваць паводле прынцыпаў TikTok.
Паводле даных Platformer, на новай платформе будуць публікавацца навіны і артыкулы. Алгарытм на аснове інтарэсаў карыстальнікаў будзе складаць стужку рэкамендацый. Карыстальнікі змогуць дзяліцца цікавымі падзеямі і абмяркоўваць іх у праграме. Стужка навін будзе складацца з папулярных артыкулаў буйных выданняў, а таксама тэкстаў невялікіх блогаў.
Цяпер платформа знаходзіцца на бэта-тэсціраванні. Для ўдзелу трэба ўвесці нумар тэлефона ў спецыяльнай форме на сайце Artifact. Затым карыстальніка запішуць у спіс чакання і дашлюць спасылку-запрашэнне. Сістрам і Крыгер распрацоўвалі Instagram ад 2010 года, у 2018 годзе яны сышлі з кампаніі без тлумачэння прычын.
Читать на dev.by