ЗША абвінавацілі стваральніка стэйблкойна TerraUSD у махлярстве на $40 млрд

SEC абвінавачвае яго ў махлярстве ў асабліва буйным памеры: пасля краху TerraUSD і Luna інвестары страцілі каля $40 мільярдаў. До Квон схаваўся і цяпер знаходзіцца ў вышуку ў Інтэрпола. Рэгулятар лічыць, што До Квон і сінгапурская кампанія Terraform Labs уводзілі інвестараў у зман, скажаючы інфармацыю пра рызыкоўнасць інвестыцый.

Камісія адзначыла, што До Квон сцвярджаў, што праграма для мабільных плацяжоў Chai выкарыстоўвала софт Terraform для апрацоўкі транзакцый. Аднак гэта выявілася няпраўдай, і Terraform стварала зманлівае ўражанне, што яе софт выкарыстоўваюць у рэальным свеце. Крах TerraUSD і Luna прывёў да крызісу на рынку крыптавалют: у маі 2022 года адбыўся абвал біткойна, пацярпеў таксама стэйблкойн Tether.