Николай Чикишев 19 студзеня 2023, 13:17

У ЗША арыштавалі заснавальніка крыптабіржы Bitzlato па мянушцы Гэндальф

У ЗША арыштавалі расійца Анатоля Легкадымава, заснавальніка крыптабіржы Bitzlato, зарэгістраванай у Ганконгу.

Легкадымаў таксама вядомы пад нікамі Гэндальф і Толік. Паводле звестак Мінфіна ЗША, яго арыштавалі ўвечары 17 студзеня ў Маямі. Чакаецца, што яму выставяць абвінавачванні ў акруговым судзе ў Фларыдзе. Улады ЗША лічаць, што ён браў удзел у кіраванні крыптабіржай, якая «дапамагала злачынцам атрымліваць прыбытак ад правапарушэнняў», у тым ліку ад незаконнага абароту наркотыкаў і працы праграм-вымагальнікаў.

Мінюст ЗША сцвярджае, што найбуйнейшым контрагентам Bitzlato ў транзакцыях з крыптавалютай быў даркнэт-маркетплэйс «Гідра». Да закрыцця «Гідры» ў красавіку 2022 года карыстальнікі абмянялі больш за $700 мільёнаў у крыптавалюте праз Bitzlato. Яшчэ каля $15 мільёнаў Bitzlato атрымала ад праграм-вымагальнікаў. Легкадымаву пагражае да пяці гадоў пазбаўлення волі.