Дональд Трамп абвастрае гандлёвую вайну з Кітаем: з 9 красавіка загараджальная пошліна на тавары з азіяцкай краіны складае 104%, паведамляе Bloomberg. Рынкі, што толькі пачалі асцярожна аднаўляцца, зноў абрынуліся. Павышэнне пошлін стала адказам на адмову Кітая адмяніць люстраныя меры ў дачыненні да амерыканскай прадукцыі.
Дональд Трамп абвастрае гандлёвую вайну з Кітаем: з 9 красавіка загараджальная пошліна на тавары з азіяцкай краіны складае 104%, паведамляе Bloomberg. Рынкі, што толькі пачалі асцярожна аднаўляцца, зноў абрынуліся. Павышэнне пошлін стала адказам на адмову Кітая адмяніць люстраныя меры ў дачыненні да амерыканскай прадукцыі.
2 красавіка прэзідэнт ЗША абвясціў пра ўвядзенне люстраных тарыфаў на імпарт з дзвюх соцень краін і нават населеных толькі пінгвінамі выспаў. Базавая стаўка для ўсіх склала 10%, але для Кітая яна была ўсталяваная на ўзроўні 34%, да якіх дадавалася ўжо дзеючая 20%-ная пошліна, уведзеная раней з-за абвінавачванняў у пастаўках фентанілу. Пекін адказаў узаемным тарыфам у 34%, які пачне дзейнічаць з 10 красавіка.
Гэта стрыгерыла Трампа, які ўчора прыгразіў падвоіць стаўкі, калі Кітай не адменіць свае тарыфы да сённяшняга дня. Кітай вырашыў настойваць на сваім, як і Вашынгтон, які дадаў яшчэ 50% да дзеючых пошлін, давёўшы нагрузку на кітайскі імпарт да 104%.
Прэс-сакратар Белага дому пацвердзіў новаўвядзенні і дадаў, што аналагічныя люстраныя меры будуць прымяняцца да ўсіх іншых краін, што не скасуюць свае пошліны ў адказ.
Улады Кітая тым часам заявілі, што «ніколі не замірацца з дадатковымі пошлінамі» і гатовыя «змагацца да канца», калі ЗША працягнуць эскалацыю. Гэта азначае новы віток супрацьстаяння паміж дзвюма найбуйнейшымі эканомікамі планеты.
Сусветныя рынкі прадказальна адрэагавалі падзеннем. Паводле Reuters, у сераду 9 красавіка зніжэнне дэманструюць амерыканскі індэкс S&P 500, еўрапейскі Stoxx Europe 600, японскі Nikkei і іншыя.
Рэлацыраваліся? Цяпер вы можаце каментаваць без верыфікацыі акаўнта.
Надо закупаться попкорном.