StabilityAI паказала палепшаны генератар выяў Stable Diffusion

Stable Diffusion 3.5 даступны ў трох варыянтах: Large (8B), Large Turbo (8B) і Medium (2,6B). Усе версіі адаптаваныя для карыстальніцкіх прылад і дазваляюць гнуткае наладжванне. Мадэлі распаўсюджваюцца па ліцэнзіі Stability AI Community License, якая дазваляе бясплатнае выкарыстанне для некамерцыйных мэтаў і кампаній з гадавым прыбыткам да $1 мільёна.

Новыя мадэлі маюць пашыраныя магчымасці стылізацыі выяў, такія як фатаграфія, жывапіс і іншыя мастацкія стылі. Карыстальнікі могуць задаваць хэштэгі, каб вызначыць стыль, напрыклад, #boho або # modern. Таксама можна вылучаць ключавыя словы ў запытах, каб задаць пэўны кірунак для генерацыі выявы.

StabilityAI прызнала, што папярэдняя версія мадэлі — Stable Diffusion 3 Medium, выпушчаная ў чэрвені, — не апраўдала чаканняў карыстальнікаў. Кампанія адзначыла: «Замест хуткага выпраўлення мы вырашылі выдаткаваць час на распрацоўку версіі, якая адпавядае нашай місіі па трансфармацыі візуальных медыя».