Аддзел навін world 2 чэрвеня 2025, 18:51

У Грэцыі пройдзе першая ў свеце алімпіяда для робатаў-гуманоідаў

З 29 жніўня па 2 верасня на радзіме Алімпійскіх гульняў — у грэцкай Алімпіі — адбудуцца першыя такія спаборніцтвы для чалавекопадобных робатаў, паведамляе Interesting Engineering.

Пакінуць каментарый

У Грэцыі пройдзе першая ў свеце алімпіяда для робатаў-гуманоідаў

З 29 жніўня па 2 верасня на радзіме Алімпійскіх гульняў — у грэцкай Алімпіі — адбудуцца першыя такія спаборніцтвы для чалавекопадобных робатаў, паведамляе Interesting Engineering.

Мэта Міжнароднай алімпіяды гуманоідаў — аб’яднаць каштоўнасці старажытнагрэцкіх гульняў і перадавыя тэхналогіі. А таксама паказаць іх патэнцыйную ролю ў грамадстве і перспектывы супрацоўніцтва людзей і машын.

Робаты з усяго свету змогуць прадэманстраваць сваю сенсорна-рухальную каардынацыю, спрыт і інтэлект. Яны будуць спаборнічаць у бегу на кароткія дыстанцыі, скачках, кіданні дзіды і іншых дысцыплінах. Акрамя гэтага, сусветныя лідары ў сферы робататэхнікі і штучнага інтэлекту правядуць воркшопы і лекцыі. Таксама наведвальнікаў чакаюць дэманстрацыі магчымасцяў робатаў, і з імі можна будзе ўзаемадзейнічаць.

Ініцыятыва правядзення падобных гульняў належыць робататэхнічнаму ШІ-скейлапу Acumino. Праводзіцца яны будуць у Міжнароднай алімпійскай акадэміі сумесна з некамерцыйнай арганізацыяй Endeavor Greece.