У Нью-Йорку заснавальнікі невялікіх ШІ-стартапаў плацяць да $9 тысяч у месяц за каўоркінг Series HQ. ШІ дазваляе ім абыходзіцца без вялікіх каманд, але не замяняе жывых зносін.
У Нью-Йорку заснавальнікі невялікіх ШІ-стартапаў плацяць да $9 тысяч у месяц за каўоркінг Series HQ. ШІ дазваляе ім абыходзіцца без вялікіх каманд, але не замяняе жывых зносін.
ШІ дазваляе прадпрымальнікам будаваць кампаніі з мінімальным штатам, але самі яны па-ранейшаму імкнуцца працаваць сярод людзей, нават калі гэта абыходзіцца ў тысячы долараў штомесяц.
Series HQ заснавалі ў 2024 годзе выпускнікі Йеля Натанэо Джонсан і Шон Гаргроў. Першапачаткова яны стваралі сацыяльны дадатак з ШІ для iMessage і прыцягнулі $5,1 мільёна інвестыцый. Пазней арандавалі офіс плошчай больш за 900 кв. м і пачалі здаваць частку прасторы іншым стартапам.
Цяпер тут звычайна працуюць 15–20 кампаній, пераважна тэхналагічных. Большасці заснавальнікаў яшчэ няма 30 гадоў, а іх каманды налічваюць усяго некалькі чалавек.
Арэнда працоўных месцаў на чацвярых каштуе ад $1250 да $4000 у месяц. Асобныя кабінеты абыходзяцца ў $5–9 тысяч. У дарагія тарыфы ўваходзіць харчаванне ад асабістага повара. У офісе таксама ёсць баскетбольнае кола, уласны дах і робат коштам каля $21 тысячы.
Працоўны дзень тут можа быць вельмі працяглым. Напрыклад, супрацоўнікі ШІ-стартапа Evos прыходзяць прыкладна, а 8:30 раніцы і застаюцца да 10 вечара, часам даўжэй. У офісе яны праводзяць каля шасці дзён у тыдзень.
Але галоўная перавага каўоркінгу — не інфраструктура, а асяроддзе. Заснавальнікі абменьваюцца ідэямі, інструментамі і кантактамі. Так, заснавальнікі Evos знайшлі тут новага супрацоўніка і даведаліся пра ШІ-браўзер Aside, якім цяпер актыўна карыстаюцца.
«Усё, што мне трэба для працы, — ноўтбук, месца, дзе можна сканцэнтравацца, і людзі вакол, якія таксама нешта ствараюць», — патлумачыў 23-гадовы заснавальнік брэнда напояў Amryth Логан Мілана.
Релоцировались? Теперь вы можете комментировать без верификации аккаунта.