Аддзел навін 17 красавіка 2024, 14:18

Стэнфард выпусціў вялікі даклад пра стан АІ-сферы. Галоўнае

Стэнфардскі ўніверсітэт абнавіў штогадовы даклад пра стан АІ-індустрыі AI Index. Прыводзім асноўныя тэзісы.

1. АІ пераўзыходзіць людзей у некаторых задачах, але не ва ўсіх

АІ паказаў сябе лепшым за людзей на некаторых бэнчмарках, напрыклад, на задачах класіфікацыі выяў, візуальнай развагі і разумення англійскай. Аднак на складанейшых задачах, такіх як матэматыка ўзроўню спаборніцтваў, візуальныя развагі на аснове здаровага глузду і планаванне, вынікі АІ горшыя.

2. Гульцы галіны робяць большы ўклад у перадавыя даследаванні, чым навуковая супольнасць

У 2023 годзе першыя выпусцілі 51 буйную мадэль машыннага навучання, другая — толькі 15. Таксама ў 2023 годзе з’явілася 21 мадэль, якая стала плёнам супрацоўніцтва паміж навукоўцамі і кампаніямі — гэта новы рэкорд.

3. Перадавыя мадэлі моцна даражэюць

Паводле ацэнак аўтараў даклада, кошт навучання прасунутых АІ-мадэляў дасягнула беспрэцэдэнтнага ўзроўню. Так, вылічальныя магутнасці для трэніроўкі GPT-4 абышліся OpenAI у $78 млн, а Gemini Ultra каштавала Google $191 млн.

Какие профессии уже затронул ИИ и насколько? Анализ 5 млн вакансий для фрилансеров

4. ЗША — галоўны «пастаўшчык» топавых АІ-мадэляў

Мясцовыя арганізацыі ў 2023 годзе выпусцілі 61 буйную АІ-мадэль, ЕС — 21, Кітай — 15.

5. Адсутнасць адэкватных і стандартызаваных метадаў ацэнкі адказнасці вялікіх моўных мадэляў

Вядучыя распрацоўшчыкі LLM, такія як OpenAI, Google і Anthropic, у асноўным выкарыстоўваюць розныя бэнчмаркі для вымярэння адказнасці сваіх мадэляў. Гэта не дазваляе сістэматычна параўноўваць рызыкі і абмежаванні топавых мадэляў.

6. Узляцелі інвестыцыі ў генератыўны АІ

Нягледзячы на агульнае памяншэнне аб’ёму прыватных інвестыцый у АІ летась, укладанні ў генератыўны АІ у 2023 годзе ў параўнанні з 2022-м выраслі амаль у 8 разоў да $25,2 млрд. Буйныя раўнды паднялі многія лідары галіны, уключаючы OpenAI, Anthropic, Hugging Face і Inflection.

7. АІ павышае прадукцыйнасць і якасць працы

У 2023 годзе выйшла некалькі даследаванняў, у якіх разглядаўся эфект ад прымянення АІ на працоўным месцы. У іх рабілася выснова, што дзякуючы АІ людзі выконваюць задачы хутчэй і якасней. Акрамя таго, АІ скарачае разрыў паміж нізка- і высокакваліфікаванымі супрацоўнікамі. Але ў некаторых даследаваннях гучыць папярэджанне, што пры выкарыстанні АІ без належнага нагляду прадукцыйнасць можа наадварот падаць.

Около половины менеджеров готовы заменить сотрудников на ИИ уже в этом году

8. АІ рухае наперад навуковы прагрэс

У 2022 годзе АІ стаў дапамагаць навукоўцам рабіць новыя адкрыцці. У 2023-м з’явілася яшчэ больш значных прыкладаў прыкладнога выкарыстання АІ у навуцы — ад AlphaDev, якая адкрыла хутчэйшыя алгарытмы сартавання, да GNoME, якая здзейсніла рэвалюцыю ў галіне адкрыцця матэрыялаў.

9. У ЗША рэзка пашырылася прававая база для рэгулявання АІ

За апошні год і папярэднія пяць гадоў у ЗША значна вырасла колькасць нарматыўных дакументаў, якія рэгламентуюць сферу АІ. У 2023 годзе такіх налічвалася 25 — на 56% больш, чым годам раней, а ў 2016-м быў толькі адзін.

10. Людзі сталі лепш разумець, які эфект можа мець АІ — і больш турбавацца

За мінулы год доля людзей, якія лічаць, што АІ сур’ёзна паўплывае на іх жыццё, вырасла з 60% да 66%. Доля тых, хто з трывогай ставіцца да АІ-прадуктаў і паслуг, за год вырасла на 13 п. п. да 52%. У ЗША больш рэспандэнтаў адчуваюць непакой, чым станоўча настроеныя да АІ — 52% супраць 38% у 2022 годзе.

Поўная версія даклада AI Index 2024 даступная па спасылцы.