15 верасня ў Мінску адбыўся форум для стартапераў Space Day. З відэазваротам да яго ўдзельнікаў выступіў сузаснавальнік Perplexity Дзяніс Ярац, піша Office Life.
15 верасня ў Мінску адбыўся форум для стартапераў Space Day. З відэазваротам да яго ўдзельнікаў выступіў сузаснавальнік Perplexity Дзяніс Ярац, піша Office Life.
«Чаму я лічу, што прадпрымальніцтва варта паспрабаваць менавіта ў маладым узросце? Таму што цяпер кошт памылкі мінімальны. У вас яшчэ няма абавязацельстваў, якія з’яўляюцца пазней. Затое ёсць час, энергія і магчымасць вучыцца. Нават калі першы праект не атрымаецца, вы набудзеце вопыт, які потым немагчыма купіць», — лічыць Ярац.
Ён дадаў, што сёння ў маладых людзей у Беларусі значна больш магчымасцяў, чым было ў яго. Стартапам даступныя інфраструктуры для запуску праектаў проста падчас вучобы, сфарміраваная суполка, праходзяць конкурсы, праграмы і профільныя форумы. Пры гэтым інструменты распрацоўкі, у тым ШІ, сталі таннымі і даступнымі, а парог уваходу ў індустрыю ніколі не быў такім нізкім.
«Мой галоўны пасыл даволі просты: не бойцеся пачынаць з невялікай ідэі, выкарыстоўвайце тое, што ўжо ёсць вакол вас, знаёмцеся з людзьмі — многія з іх стануць вашымі партнёрамі і калегамі на гады. Паспрабуйце запускаць свае праекты, не адкладаючы на пасля ўніверсітэта. І не ўспрымайце першую няўдачу як фінал — гэта толькі частка шляху. Майце цярпенне і захоўвайце цікавасць, каб рухацца ў сваім кірунку доўга», — параіў прадпрымальнік.
Ён нагадаў, што вучыўся на факультэце прыкладной матэматыкі і інфарматыкі ў БДУ. У студэнцкія гады захапляўся матэматыкай, праграмаваннем і ўдзельнічаў у беларускіх і міжнародных алімпіядах.
«Цяпер, аглядаючыся назад, я разумею, што менавіта гэтая база дала мне найбольш. Па-першае — моцная фундаментальная падрыхтоўка: матэматыка і алгарытмы, якія я да гэтага часу выкарыстоўваю кожны дзень. Па-другое — людзі: на алімпіядах і ва ўніверсітэце я пазнаёміўся з тымі, з кім перасякаюся і працую дасюль. І па-трэцяе — асяроддзе, дзе было нармальна спаборнічаць, шмат працаваць і хацець большага. Гэта адкрыла мне свет і паказала, што адбываецца ў індустрыі», — адзначыў Ярац.
Будучы студэнтам Ярац пачаў працаваць у «Яндэксе», дзе пазнаёміўся з машынным навучаннем, якім займаецца ўжо каля 15 гадоў. У 2008 годзе ён прайшоў у еўрапейскі фінал спаборніцтваў Google Code Jam у офісе Google у Цюрыху, аднак працу там не атрымаў. У 2011 годзе пачаў працаваць інжынерам у Microsoft, дзе распрацоўваў пошукавую сістэму Bing, а таксама прыклаў руку да сервісу абмену ведамі Quora. У ЗША ён абараніў PhD па ШІ, што прывяло да стварэння ўласнага бізнесу. Perplexity ён заснаваў у Сан-Францыска ў 2022 годзе разам з двума амерыканскімі партнёрамі.
У ходзе апошняга інвестраўнду год таму стартап ацанілі у $20 млрд.
Рэлацыраваліся? Цяпер вы можаце каментаваць без верыфікацыі акаўнта.
А я думал он нормальный