«Людзі год шукаюць працу». Як пачаткоўцы спрабуюць увайсці ў ІТ у Польшчы

Попыт на паслугі ўпаў, вырашыў увайсці ў ІТ

Мацей з Лодзі раней кіраваў камп’ютарным сэрвісам і праз некалькі гадоў адсутнасці плануе вярнуцца да працы ў сферы ІТ (зразумела, асвяжыўшы і дапоўніўшы свае веды на курсах).

— На жаль, водгукі хутчэй негатыўныя. Я чую словы: «Прабачце, у ІТ цяпер такі крызіс, што людзі ўжо год шукаюць працу». Некаторыя раяць мне прытрымлівацца таго, дзе я магу знайсці працу адразу. Я таксама сутыкаўся з пытаннем, чаму не адважыўся на гэта, калі ІТ-індустрыя квітнела, — распавядае Мацей.

У яго было добрае прафесійнае становішча, і пра змену працы ён нават не задумваўся. Але цяпер попыт на яго паслугі ўпаў, і таму ён і вырашыў увайсці ў айці, індустрыю, якая заўсёды была для яго сінонімам цікавых задач і высокіх заробкаў.

Больш за 80 рэзюмэ на адную пазіцыю джуна

У падобнай сітуацыі знаходзіцца Барташ з Мазовіі, які шукае сваю першую працу ў сферы ІТ. Аднак, паводле звестак No Fluff Jobs, працэнт прапаноў для джуноў у ІТ за два гады скараціўся ўдвая. На адную аб’яву аб працы для джуна падаецца ў сярэднім 84 рэзюмэ.

Разлікі платформы паказваюць, што працэнт прапаноў працы для джуноў у ІТ у 2022 годзе быў 21,6%. У 2023 ён упаў да 10,4%, а цяпер крыху павялічыўся да 11,1%.

Самы высокі працэнт вакансій пачатковага ўзроўню можна знайсці ў катэгорыях Backend, Fullstack, Support. А па-за межамі ІТ — у продажах, абслугоўванні кліентаў і маркетынгу.

— Ужо некалькі месяцаў рынак працы цяжкі для людзей, якія шукаюць сваю першую працу, незалежна ад галіны, — кажа кіраўнік партала No Fluff Jobs Томаш Буек. — Хоць гэта праўда, што больш за ўсё ад крызісу пакутуюць пачаткоўцы, нашая справаздача «Беспрацоўе ў ІТ» паказвае: амаль 60% ІТ-спецыялістаў адгукаюцца на прапановы, якія патрабуюць менш досведу, чым у іх ёсць. Яны робяць гэта таму, што шукаць працу па вышэйшых і лепей аплачваных пасадах стала цяжэй за ранейшае. Мы спадзяемся, што будучая восень значна адаб’ецца на рынку працы.

Пры гэтым памер узнагароды, якую прапаноўваюць джунам у ІТ і сферы для «белых каўнерыкаў», практычна стаіць на месцы з мінулага года. 

Так, летась медыяна ніжняга і верхняга дыяпазону заробкаў для ІТ-спецыялістаў-пачаткоўцаў складала 7-10,1 тысяч злотых нета + ПДВ па кантракце B2B (1,8-2,6 тыс. долараў).

У цяперашні час медыяна ніжняга дыяпазону застаецца нязменнай, а вось верхні дыяпазон некалькі знізіўся — да 10 тысяч злотых нета + ПДВ.

Мінімальныя змены прыкметныя і ў працы па ўмове, а працы. У 2023 годзе сярэдні дыяпазон заробкаў складаў 6-8, 6 тысячы злотых брута (1,5-2,3 тыс. долараў). На дадзены момант гэта 6-9 тысяч злотых брута.