Telegram пачаў адказваць на запыты французскіх праваахоўнікаў

Паводле даных Libération, Telegram адказаў на запыты Упраўлення ў справах непаўналетніх і нацыянальнай жандармерыі. Газета назвала гэтае рашэнне кампаніі «беспрэцэдэнтным» і падкрэсліла, што адказы дазволілі пракуратуры Францыі аднавіць расследаванні па нераскрытых крымінальных справах.

Паўла Дурава затрымалі ў Парыжы 24 жніўня. Французскі суд выставіў бізнэсоўцу папярэднія абвінавачванні ў дапамаганні злачынствам, якія здзяйсняюцца праз месенджар і адмове супрацоўнічаць з праваахоўнымі органамі. Дураву забаронена пакідаць краіну.